MAQSADIMIZ – FUQAROLAR MANFAATINI HIMOYa QILISh
Oʻzbekiston "Adolat” SDP tuman Kengashi tomonidan "Xalq bilan muloqot va inson manfaatlari yili” Davlat dasturi talablaridan kelib chiqib, partiyaning markaziy apparati tomonidan ishlab chiqilgan kalendar rejaga muvofiq saylovchilar bilan yakkama-yakka muloqot oʻtkazish, yuridik va jismoniy shaxslar bilan bevosita suhbatlar uyushtirish, qonunlar ijrosi va islohotlarning amal qilish darajasini oʻrganish masalalarida faol ish olib borilmoqda.
Ushbu masalalarni joylarda oʻrganish yuzasidan tuman Kengashi tomonidan ishchi guruh tuzildi. Ushbu ishchi guruh tomonidan fevral-iyun oylari davomida haftaning har chorshanba kuni tumandagi OFY va MFYlardagi holatlar oʻrganilib, yuridik va jismoniy shaxslar bilan bevosita suhbatlar uyushtirildi. Mahallalarda aniqlangan muammo va kamchiliklarning asosiy qismi joyida hal qilinib kelinmoqda. Aniqlangan muammolarni hal etishda tegishli tashkilotlarga deputat soʻrovlari yuborilib, mahallalarda elektr energiyasidagi uzilishlar, ichimlik suvi taʼminoti muammolari oʻz yechimini topmoqda.
Shuningdek, partiyaning "Farzandlari sogʻlom yurt qudratli boʻlur” loyihasi doirasida tuzilgan ishchi guruhi aʼzolari tomonidan tumandagi maktabgacha taʼlim muassasalari va umumtaʼlim maktablari faoliyati, sinflardagi oʻquvchilar soni, xonalarning sanitariyagigiyena talablariga mosligi, umumiy tibbiy xizmatning ahvoli, majburiy dori-darmonlar bilan taʼminlanganlik darajasi, oʻquvchilarni emlashlar davriyligining holati, toza ichimlik suvi bilan taʼminlanganlik holatlari ham oʻrganildi.
Maʼlumki, 2017-yil 12-iyul kuni Oʻzbekiston Respublikasi Oliy Majlisi Qonunchilik palatasida parlament palatalari, siyosiy partiyalar, Oʻzbekiston Ekologik harakati, xalq deputatlari viloyat, tuman va shahar kengashlari faoliyatining tahlili hamda istiqboldagi vazifalariga bagʻishlangan videoselektor yigʻilishi boʻlib oʻtdi. Yigʻilishda muhtaram Prezidentimiz Sh.Mirziyoyev maʼruza qilib, siyosiy partiyalar faoliyatiga tanqidiy baho berdi. Partiyaning tuman Kengashi faollari hamda deputatlar Prezidentimizning ushbu maʼruzasini chuqur oʻrganib, faoliyatimizni yanada yaxshilash boʻyicha chora-tadbirlar belgilab oldik. Bundan buyon yanada samarali ish olib borib, partiyani tom maʼnodagi siyosiy kuchga aylantirishga intilamiz.
Partiyamiz hamisha oʻzining xalqparvar siyosati bilan iqtisodiyotning ijtimoiy yoʻnaltirilishi, aholi hayotiga oid turli muammolarni oʻrganib, ijobiy hal etish tarafdori boʻlib kelmoqda va bundan keyin ham bu kabi masalalar doimiy diqqat-markazimizda boʻlib qolaveradi.
I.Palvanov, xalq deputatlari tuman Kengashi deputati, Oʻzbekiston "Adolat” SDP tuman Kengashi raisi.
(Foto - http://rrk.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
