Tibbiy xizmat sifati deputatlar nazoratida (+Video)
Maʼlumki, sogʻlikni saqlash sohasida jamoatchilik va deputatlik nazoratini oʻrnatish maqsadida tuman Kengashining aholiga tibbiy xizmat koʻrsatishni, dori vositalari taʼminotini yanada yaxshilash, ushbu sohadagi qonunchilikni amaliyotga samarali tadbiq etishga koʻmaklashish, shuningdek bu sohada nazoratni samarali amalga oshirish boʻyicha komissiyasi tashkil qilingan edi. Yaqinda "Milliy tiklanish” demokratik partiyasi tuman kengashi raisi Shirin Yangiboyeva rahbarligidagi komissiya aʼzolari aholiga tibbiy xizmat koʻrsatish va dori vositalari taʼminotining bugungi holati boʻyicha, shuningdek, mazkur masalalardagi mavjud muammolarni oʻrganish hamda tibbiy xizmat sifatini takomillashtirish chora-tadbirlarini koʻrish maqsadida tumanda oʻrganishlar oʻtkazdi.
Aytish kerakki, Oʻzbekiston Milliy tiklanish demokratik partiyasi saylovoldi Platformasida onalik va bolalikni muhofaza qilishga koʻmaklashish ustuvor vazifalardan biri etib belgilangan. Shu bois partiya tashkilotlari har tomonlama sogʻlom avlodni tarbiyalash, jamiyatimizda sogʻlom turmush tarzini qaror toptirish, aholining tibbiy madaniyatini yuksaltirish borasidagi ishlar koʻlamini yanada kengaytirishda oʻz hissasini qoʻshishga intilmoqda. Ayniqsa, Xalq bilan muloqot va inson manfaatlari yilida partiya tuman Kengashi onalar va bolalar salomatligini muhofaza qilish borasidagi targʻibot ishlarini yanada kengaytirmoqda.
Prezidentimiz Shavkat Mirziyoyevning 2016-yil
31-oktyabrdagi "Aholini dori-darmon vositalari va tibbiyot buyumlari bilan
taʼminlashni yanada yaxshilashga doir chora-tadbirlar toʻgʻrisida"gi qarorida
aholi va davolash-profilaktika muassasalarini yuqori samaradorlikka ega,
arzon va sifatli dori-darmon hamda tibbiyot buyumlari bilan taʼminlash
borasida aniq vazifalar belgilab berilgan edi. Ushbu qaror asosida chetdan
olib kelinadigan va mahalliy ishlab chiqaruvchilardan sotib olinadigan
dori-darmon vositalari hamda tibbiyot buyumlarini ulgurji va chakana sotish
boʻyicha cheklangan savdo ustamalari joriy etildi. Oʻrganish davomida tibbiyot
muassasalari va dorixonalarda ushbu qaror talablariga qay darajada rioya
qilinayotgani ham koʻzdan kechirildi. Bu kabi ishlar jamoatchilik va
deputatlik nazoratini qoʻllash orqali tibbiyot sohasining yanada
rivojlanishiga xizmat qiladi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
