Statistika faoliyati takomillashtirilmoqda

Amudaryo tumani statistika boʻlimida Oʻzbekiston Respublikasi Prezidentining 2017-yil iyul oyida qabul qilingan "Oʻzbekiston Respublikasi davlat statistika qoʻmitasi faoliyatini takomillashtirish chora tadbirlari toʻgʻrisida”gi maxsus qarorining mazmun mohiyatini tushuntirish maqsadida seminar tashkil etildi.

Seminarda asosan qatnashchilarga ushbu qarorning mazmun-mohiyati toʻgʻrisida tushunchalar berildi.

Qaror asosida statistika sohasidagi davlat siyosatini tubdan takomillashtirish, ixtimoiy-iqtisodiy rivojlanishning asosiy ustuvor yoʻnalishlarining bajarilishini axborot-tahliliy taʼminlashning zamonaviy, samarali va shaffof tizimi yaratilgan.

Mustaqillik yillarida mamlakatimizda zamonaviy axborot-komunikatsiya texnalogiyalaridan keng foydalangan holda statistik axborotlarni yigʻish, toʻplash, saqlash, qayta ishlash va eʼlon qilishning yaxlit tizimi shakillantirildi. Har yili 800 dan ortiq statistika ishlari bajarilmoqda, 50 ta statistika kuzatuvlari oʻtkazilayapti, statistikaning turli yoʻnalishlari boʻyicha 15-17 ta tematik toʻplamlar chiqarilib, 9 turdagi statistik hisobotlarni faqat internet tarmogʻi orqali taqdim etish boʻyicha interaktiv davlat xizmatlari koʻrsatilmoqda.

Shu bilan birga Davlat statistika qoʻmitasi faoliyatining tahlili shuni koʻrsatdiki iqtisodiyotning jadal rivojlanishi dunyo va mintaqadagi intigratsion jarayonlarning chuqurlashishi Oʻzbekistonning xorijiy mamlakatlar va yetakchi xalqaro tashkilotlar bilan xalqaro hamkorligining kengayishi sharoitlarida, xukumatning, tadqiqot markazlari va ilmiy jamoatchilikning, biznes birlashmalari, xorijiy va milliy investorlarning sifatli statistik maʼlumotlari va tahliliy axborotlarga boʻlgan ehtiyojlari sezilarli darajada oʻsib bormoqda.

Shundan kelib chiqib seminarda statistika organlarining amalda tashkiliy tuzilmasi axborotlarni samarali yigʻish va tarqatishning zamonaviy talablariga toʻliq javob berayotgani, natijada mamlakatni ijtimoiy-iqtisodiy rivojlantirish davlat dasturlari bajarilishining borishi yuzasidan ishonchli statistik kuzatuvlarini oʻtkazish imkoniyatlari yetarlicha darajada ishga solinmayotgani alohida taʼkidlandi. Seminar yakunida ishtirokchilarning mavzu yuzasidan fikr va mulohazalari tinglandi.