Xalq deputatlari Amudaryo tuman Kengashi deputatligiga nomzodlarni roʻyxatga olish toʻgʻrisida

Xalq deputatlari Amudaryo tuman Kengashiga saylov oʻtkazuvchi tuman saylov komissiyasining QARORI

"Xalq deputatlari tuman va shahar Kengashlariga saylov toʻgʻrisida”gi Oʻzbekiston Respublikasi Qonunining 24- va 44-moddalariga asosan xalq deputatlari Amudaryo tuman Kengashining boʻshab qolgan oʻrinlariga deputatlikka nomzodlarni roʻyxatga olish toʻgʻrisidagi siyosiy partiyalar tuman Kengashlari tomonidan taqdim etilgan hujjatlarni koʻrib chiqib tuman saylov komissiyasi QAROR  QILADI:

I. Xalq deputatlari Amudaryo tuman Kengashi deputatligiga nomzod qilib quyidagilar roʻyxatga olinsin:

№ 1-Navoiy saylov

okrugi boʻyicha:

1. Kushayev Ashirbay Baltabayevich - 1961-yilda Amudaryo tumanida tugʻilgan, partiyasiz,  Fuqarolarning oʻzini oʻzi boshqarish organlari faoliyatini muvofiqlashtirish boʻyicha Amudaryo tuman Kengashi raisining birinchi oʻrinbosari, "Mahalla” xayriya jamoat fondining tuman boʻlinmasi raisi. Amudaryo tumani Navbahor koʻchasi 12-uyda yashaydi. Oʻzbekiston Xalq demokratik partiyasi Amudaryo tuman Kengashi tomonidan deputatlikka nomzod etib koʻrsatilgan.

2. Qurbanbayev Muzaffar  Murotovich - 1983-yilda Amudaryo tumanida tugʻilgan, partiyasiz, Amudaryo xizmat koʻrsatish va servis kasb-hunar kolleji direktori.  Amudaryo tumani Ahmad Yassaviy koʻchasi raqamsiz uyda yashaydi. Oʻzbekiston "Adolat" sotsial-demokratik partiyasi Amudaryo tuman Kengashi tomonidan deputatlikka nomzod etib koʻrsatilgan.

№ 10-Toshyop saylov

okrugi boʻyicha:

1. Beknazarova Muqaddas Norim qizi - 1978-yilda Amudaryo tumanida tugʻilgan, OʻzLiDeP aʼzosi,   Fuqarolarning oʻzini oʻzi boshqarish organlari faoliyatini muvofiqlashtirish boʻyicha Amudaryo tuman Kengashi raisining diniy-maʼrifiy masalalar boʻyicha oʻrinbosari. Amudaryo tumani Kimyogarlar koʻchasi 26-uyda yashaydi. Tadbirkorlar va ishbilarmonlar harakati – Oʻzbekiston Liberal Demokratik partiyasi Amudaryo tuman Kengashi tomonidan deputatlikka nomzod etib koʻrsatilgan.

2. Yeshchanova Nasibaxan  Yerkabayevna - 1972-yilda Amudaryo tumanida tugʻilgan, Oʻzbekiston "Milliy tiklanish" DP aʼzosi,  Amudaryo tumani madaniyat va aholi dam olish markazi havaskorlik jamoalari va ijodiy toʻgaraklar faoliyatini tashkil etish boʻyicha mutaxassisi, Amudaryo tumani Qipchoq koʻchasi 41-uyda yashaydi. Oʻzbekiston "Milliy tiklanish” demokratik partiyasi Amudaryo tuman Kengashi tomonidan  deputatlikka nomzod etib koʻrsatilgan.

II. Xalq deputatlari Amudaryo tuman Kengashiga saylov oʻtkazuvchi okrug saylov komissiyalariga "Xalq deputatlari tuman va shahar Kengashlariga saylov toʻgʻrisida”gi Oʻzbekiston Respublikasi Qonunining 13-moddasiga muvofiq deputatlikka nomzod etib roʻyxatga olingan nomzodlarni tegishli okruglar boʻyicha saylov byulletenlariga (alifbo tartibida) kiritish topshirilsin.

III. Ushbu qaror "Taraqqiyot koʻzgusi” gazetasida eʼlon qilinsin.

Komissiya raisi: Kamolov Anvar Allayarovich.

Komissiya kotibi: Jumaniyazov Baxodir Karimboyevich.

Mangʻit shahri.

2017-yil 29-noyabr. № 24.