Qishloqlarda faoliyat yurituvchi yakka tadbirkorlar kamroq soliq toʻlaydi
Soliq qonunchiligidagi oʻzgarishlarga asosan 2018-yil 1-yanvardan yakka tartibdagi tadbirkorlar uchun qatʼiy belgilangan soliq stavkalari oʻrtacha 30 foizga pasaytirildi va tadbirkorlik subʼektlarini faoliyat koʻrsatayotgan joyiga qarab tabaqalashtirish kengaytirildi. Bu haqda Amudaryo tuman davlat soliq inspektsiyasi xabar bermoqda.
Masalan, amalda oziq-ovqat va nooziq-ovqat mahsulotlari bilan chakana savdo qilish uchun qatʼiy belgilangan soliq miqdori Toshkent shahri uchun eng kam ish haqining 10 barobari va viloyatlar markazlarida 6,5 barobari miqdorida belgilangan boʻlsa, 2018-yilda tegishlicha 7 barobari va 5 barobari miqdorida belgilanmoqda, yaʼni oʻrtacha 30 foizga kamaymoqda.
Yakka tartibdagi tadbirkorlardan olinadigan qatʼiy belgilangan soliqni tabaqalashtirishda “boshqa aholi punktlari” toifasi kiritildi. Endilikda Toshkent shahri, Nukus shahri va viloyat boʻysunuvidagi shaharlar hamda boshqa shaharlardan tashqari boshqa barcha aholi punktlarida faoliyat yurituvchi yakka tadbirkorlar mazkur toifaga kiritiladi. Ular uchun qatʼiy belgilangan soliq stavkalari sezilarli darajada kamaytirildi.
Masalan, Amudaryo tumani boʻyicha Mangʻit shahridan tashqari boshqa barcha aholi punktlarida oziq-ovqat tovarlarini sotish faoliyati bilan shugʻullanuvchi yakka tadbirkorlar eng kam ish haqining 2,5 barobari miqdorida (ilgari 3 barobari miqdorida edi) qatʼiy belgilangan soliq toʻlaydilar.
Gʻ.Yeshniyozov
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
