KROSS MUSOBAQASI OʻTKAZILDI
Tumanimizda Xotira va qadrlash kuni oldidan bayram munosabati bilan turli sport musobqalari, turnirlar tashkillashtirilmoqda.
8-may kuni tuman Jismoniy tarbiya va sport boʻlimi, “Yoshlik” jismoniy tarbiya va sport jamiyati tuman hududiy boʻlinmasi hamda Yoshlar ittifoqi tuman Kengashi tomonidan 3 kilometrga yugurish boʻyicha kross musobaqasi oʻtkazildi. Musobaqada 300 nafardan ziyod yosh sportchilar ishtirok etdilar.
Chaqqon va ildam harakat qilib, finish chizigʻiga yetib kelgan yosh sportchilar musobaqa gʻolibi boʻldilar. Oʻgʻil bolalar ichida 42-maktab oʻquvchisi Ruslan Oʻrinboyev 1-oʻrinni, 17-maktab oʻquvchisi Begzod Hayitboyev 2-oʻrinni, 35-maktab oʻquvchisi Mirjalol Davletboyev 3-oʻrinni qoʻlga kiritdi.
Sportchi qizlar ichidan Yoshlar ittifoqi aʼzosi Zuhra Ortiqovaga 1-oʻrin, 35-maktab oʻquvchisi Saida Tursunboyevaga 2-oʻrin, 25-maktab oʻquvchisi Tillo Shomurodovaga 3-oʻrin nasib qildi. 56-maktab oʻquvchisi, 9 yoshli Maftuna Qodirboyeva qizlar oʻrtasida, 13-sonli maktab oʻquvchisi, 11 yoshli Begzod Hayitboyev esa oʻgʻil bolalar oʻrtasida musobaqaning eng yosh ishtirokchisi deb topildi.
Gʻoliblar tumanda Xotira va qadrlash kuniga bagʻishlab oʻtkaziladigan bayram tadbirida taqdirlanadi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
