Yoz – 2018 BOLALAR OROMGOHLARI – MAVSUMGA TAYYoR
Tumanimiz umumtaʼlim maktablarida yozgi taʼtil mavsumi boshlanmoqda. Shu munosabat bilan yoz mavsumida bolalarning boʻsh vaqtlarini mazmunli oʻtkazishlari uchun zarur shart-sharoitlar yaratish, homiy tashkilotlarni jalb qilgan holda tumanimizning toʻrtta hududida oʻquvchilarning oromgohlarda dam olishlarini tashkil etish, ayniqsa, kam taʼminlangan oilalarning farzandlarini sogʻlomlashtirish oromgohlariga qamrab olish maqsadida 2018-yil 10-mayda tuman hokimining 342-sonli qarori qabul qilindi.
Ushbu qaror ijrosini taʼminlash maqsadida tumanimizning Qipchoq ovuli hududi boʻyicha Amudaryo agrobiznes kasb-hunar kolleji, Qilichboy mavzesi boʻyicha Doʻrman qishloq xoʻjaligi, Jumurtov ShFY hududi boʻyicha Amudaryo melioratsiya va suv xoʻjaligi, Mangʻit shahri hududi boʻyicha Amudaryo qishloq xoʻjaligi kasb-hunar kollejlari binolarida ajratilgan xonalar oromgoh uchun zarur mebellar, oshxona anjomlari, yotoqxona hamda maishiy-gigiyena jihozlari bilan jihozlanib, bolalarning maroqli dam olishlari uchun taxt qilib qoʻyildi.
Har galgidek bu yilgi yoz mavsumida hududlarda tashkil etilayotgan “Bulbulcha”, “Oq kabutar”, “Lochin”, “Qaldirgʻoch” bolalar oromgohlarida jami 1140 nafar bolalar sogʻlomlashtirilishi va maroqli dam olishi rejalashtirilgan. Oromgohlar uchta navbat asosida faoliyat olib boradi va har bir navbatda 240-300 nafar bola qabul qilinadi. Bolalarni oromgohlarga qabul qilishning birinchi navbati 5-iyundan oʻz faoliyatini boshlaydi. Shuningdek, ikkinchi navbat 18-iyundan boshlanadi va 27-iyungacha, uchinchi navbat esa 30-iyundan 9-iyulgacha davom etishi rejalashtirilgan .
Shuningdek, bolalarning qoʻshni tumanlardagi oromgohlarda ham dam olishlarini taʼminlash koʻzda tutilgan. Yaʼni, mavsum davomida qoʻshni tumanlarda 120 nafar va boshqa viloyatlarda 200 nafar, jami 320 nafar bolalar stasionar oromgohlarda dam olishlarini tashkil etish rejalashtirilgan.
Robiya Yoʻldosheva.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
