Hokim xalq bilan muloqot qildi (+foto)
Hududlarda obodonlashtirish va koʻkalamzorlashtirish boʻyicha amalga oshirilayotgan ishlar bilan yaqindan tanishish hamda xalq bilan muloqot qilish maqsadida tuman hokimi Sultonboy Yoʻldoshev va tuman faollari 9-iyun kuni Amir Temur nomli ovulga tashrif buyurdilar.
Tashrif davomida mahalla hududini obodonlashtirish, aholi tomorqalaridan samarali foydalanishning ahvoli oʻrganildi. Xalq bilan samimiy muloqot qilinib, savollariga javoblar berildi.
Darhaqiqat, oʻzaro ahillik, birdamlik, yaratish va yashnatish ishtiyoqida yashayotgan xalqimiz yurtimizning har bir qarich yerini obod maskanga aylantirishga bel bogʻlagan. Bu esa yurtimiz obodligi va turmushimiz farovonligiga munosib hissa boʻlib qoʻshiladi. Koʻrgazmali seminarda mahalla hududida joylashgan aholi xonadonlari, uy oldi tomorqa yerlari, hududdagi ijtimoiy infratuzilma inshootlari holati koʻzdan kechirildi.
Ovul hududining obodonlashtirilganligi va uning sanitariya talablariga javob berishi, mahalla hududidagi ichki yoʻllarning ahvoli, aholining shaxsiy dala tomorqalaridan foydalanish holati, ichimlik suvi, tabiiy gaz, elektr energiyasi, tibbiy xizmat bilan taʼminlanganlik holati, mahalla hududidagi tadbirkorlik subʼektlarining faoliyati va boshqa mezonlar asosida fuqarolar yigʻini faoliyatiga ham baho berildi.
Koʻrgazmali seminar ishtirokchilari Amir temur nomli ovul fuqarolar yigʻini binosiga tashrif buyurib, bu yerda yigʻin xodimlari va mahalla ahli, tashrif buyuruvchilar uchun yaratilgan sharoitlar bilan yaqindan tanishdilar.
Seminar yakunida ovul fuqarolar yigʻini tomonidan amalga oshirilayotgan ishlarga baho berilib, erishilgan yutuqlar va yoʻl qoʻyilgan kamchiliklar tilga olindi. Kamchiliklarni bartaraf qilish boʻyicha tavsiyalar berilib, zarur chora-tadbirlar belgilab olindi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
