149 nafar fuqaroga 2 milliard soʻmdan ortiq kredit ajratildi

Amudaryo tumani fermer, dehqon xoʻjaliklari va tomorqa yer egalari Kengashi aholining tomorqa yerlaridan foydalanib, daromad olishiga yaqindan yordam berib kelmoqda. Bu haqida Xalq deputatlari Amudaryo tuman Kengashining 50-sessiyasida Kengash raisi F.Sadullayev maʼlum qildi.

Fuqarolarning xohish-istaklarini inobatga olgan holda 2018-yil boshidan shu davrgacha Kengash yordami bilan “Mikrokreditbank” ATB Mangʻit filiali tomonidan jami 149 ta xonadon egalariga asalarichilik, qoramolchilik, qoʻychilik, parrandachilik, ixcham issiqxona va tikuvchilikni rivojlantirish boʻyicha 3-yil muddatga, yillik 4 foizlik stavka bilan  jami 2 milliard 33 million 500 ming soʻm miqdorida imtiyozli kredit mablagʻlari ajratilgan.