Amudaryodagi kichik sanoat zonasi faoliyatidan lavha (+video)
Prezidentimizning 2018-yil 6-martdagi “Qoraqolpogʻiston Pespublikasida kichik sanoat zonalarini tashkil etish chora-tadbirlari toʻgʻrisida”gi qarori ijrosini taʼminlash maqsadida “Amudaryo paxta tozalash zavodi” aktsiyadorlik jamiyatining eski binosi kichik sanoat zonasiga aylantirildi. Bu boʻyicha tuman ishchi guruhi tuzilib, jami 14,3 gektar yer maydoni, shundan 11 ming 803 kvadrat metr qurilish maydoni va hududdagi binolar xatlovdan oʻtkazildi.
Oʻtkazilgan tender savdolarida 23 nafar tadbirkor qiymati 10 mlrd. 151 mln. soʻmlik investitsiyalar kiritib, 166 ta yangi ish oʻrni yaratish koʻzda tutilgan loyihalarni amalga oshirish majburiyatini zimmalariga olishdi.
Kichik sanoat zonasida 2 mlrd. 332 mln. soʻmlik loyiha asosida yiliga 150 tonna meva-sabzavot quritish, 2 mlrd. 500 mln. soʻmlik loyiha boʻyicha yiliga 74 tonna meva-sabzavotdan qiyom tayyorlash, 972 mln. soʻmlik loyiha boʻyicha qizilmiya ildizini qayta ishlash, 631 mln. soʻmlik loyiha bilan sut mahsulotlaridan quyultirilgan sut, tvorog, qaymoq tayyorlash korxonalari ishga tushirilishi koʻzda tutilmoqda. Shuningdek, 1 mlrd. soʻmlik loyihaga koʻra, motor moyini qayta ishlash, salkam 1,5 mlrd. soʻmlik loyiha boʻyicha kiyim-kechak tikish, 4 mlrd. 251 soʻmlik loyiha asosida qurilish ashyolari, yaʼni eshik, deraza, mebel ishlab chiqarish, 1 mlrd. 360 mln. soʻmlik loyiha boʻyicha mix, sim toʻr, 1 mlrd. 476 mln. soʻmlik loyiha bilan temirbeton mahsulotlari ishlab chiqarish quvvatiga ega yoʻnalishlar yangidan tashkil qilinmoqda.
(Foto: istiqbolsari.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
