REJA ORTIGʻI BILAN UDDALANDI
“Polvonniyozbek” fermer xoʻjaligi Toshyop ovulidagi ilgʻor xoʻjaliklardan biridir. Bu yil xoʻjalikning 39 gektar yeriga paxta ekildi va parvarish qilindi. Xoʻjalik ishchilarining fidokorona, mashaqqatli mehnati evaziga yetishtirilgan moʻl hosil ayni kunlarda yigʻib-terib olinmoqda.
–Terim surʼatini oshirib, rejani oʻz vaqtida uddalash uchun terim otryadini tashkil qildik. Ilgʻor ishchilarimizdan Azim Dushamov bosh-qosh boʻlayotgan otryadimiz pudratchilardan, uyushmagan aholi va Yoshlar ittifoqi aʼzolaridan iborat. Ularga tergan paxtalari uchun kuniga haq toʻlab borilmoqda -, deydi “Polvonniyozbek” fermer xoʻjaligi raisi Sherzod Ollaberganov.
Xoʻjalik tomonidan davlatga kuniga 5 tonna paxta topshirilib borildi va shu kunga qadar rejadagi 85 tonna oʻrniga 94 tonna paxta topshirilib, reja ortigʻi bilan bajarildi. Kunning ochiq kunlaridan unumli foydalanayotgan chevar terimchilardan J.Matqurbonova kuniga 200 kg.dan, R.Qurbonboyeva 180 kg.dan, T.Davlatyorova va X.Doʻstlonovalar 150 kg.dan, shuningdek, U.Xudoyberganova, M.Odilova, M.Oʻrozboyeva, M.Dushamova, S.Dushamovalar 100 kg.dan, yosh terimchi qizlardan M.Sobirova, M.Xoʻjamurodova, M.Erkaboyevalar esa 80-90 kg.dan paxta terib, xirmonga oʻz hissalarini qoʻshishmoqda.
Rejani ortigʻi bilan bajarishga erishgan xoʻjalik terimchilari yanada joʻshqinlik bilan terimni davom ettirishmoqda.
Gulshod SOBIROVA, tuman Xotin-qizlar
qoʻmitasi mutaxassisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
