Sanoat salohiyati rivojlanadi

Oʻzbekiston Respublikasi Prezidenti tomonidan Vazirlar Mahkamasining 2013-yil 18-yanvardagi majlisida belgilab berilgan 2013-yilda ijtimoiy-iqtisodiy rivojlantirishning eng muhim ustuvor vazifalarining soʻzsiz bajarilishini taʼminlash boʻyicha bir qancha ishlar amalga oshirildi.

Tumanda joriyyil 9 oyida sanoat mahsulotlar ishlab chiqarish hajmi 37,2 mlrd soʻmni tashkil qilib, solishtirma narxlarda oʻtgan yilga nisbatan 114 foizni, xalq isteʼmol mollari ishlab chiqarish 7,9 mlrd soʻmni tashkil qilib, 142,5 foizni, qishloq xoʻjaligi yalpi mahsuloti116 mlrd soʻmni tashkil qilib 109,8foizni, pudrat ishlari 43,6 mlrd soʻmni tashkil qilib, 149,1 foizni, chakana savdo aylanmasi 83,5 mlrd soʻmni tashkil qilib 124,6foizni, pullik xizmat koʻrsatish 27,1mlrd soʻmni tashkil qilib 115,3 foizni tashkil qilib, tuman iqtisodiyot tarmoqlari sohalarida oʻsim surʼatlariga erishildi.

Ijtimoiy sohada ham olib borilgan ishlar natijasida joriy yilning 9 oyida 37,3 ming kv.metr uy-joylar, 5,3 km uzunlikdagi gaz tarmoqlari, 39 km uzunlikdagi ichimlik suv tarmoqlari tortildi.

Oʻzbekiston Respublikasi Bosh vaziri Sh. Mirziyoyev tomonidan 2013-yil 31-yanvar kuni "Qoraqalpogʻiston Respublikasini 2012-yilda ijtimoiy-iqtisodiy rivojlantirish yakunlarini va 2013-yilda kompleks rivojlantirish chora tadbirlari”ga bagʻishlab oʻtkazgan selektor yigʻilishi topshiriqlari ijrosini taʼminlash maqsadida "2013-2015 yillarda tumanni kompleks rivojlantirish dasturi” ni ishlab chiqildi.

Tumanni kompleks rivojlantirish dasturini ishlab chiqishda 5 ta yoʻnalishda ishlar olib borildi.

Birinchidan. Tumanda sanoat salohiyatini 2013-2015-yillarda rivojlantirish investitsiya loyihalari ishlab chiqilib, bu dasturga jami qiymati 32,7 mln AQSh dollari ekvivalentidagi 27 ta loyihalar kiritilib, ularda 478 ta yangi ish oʻrinlari tashkil qilish belgilab olindi.

Dastur ijrosini taʼminlash maqsadida olib borilgan ishlar natijasida joriy yilning oʻtgan davrida jami 24ta loyiha amalga oshirilib, 300 tadan ortiq yangi ish oʻrinlari yaratildi.

Ikkinchidan Mavjud sanoat korxonalarini toʻliq quvvatda ishlatish, boʻsh turgan bino va inshootlarda ishlab chiqarishni tashkil etish hamda tijorat banklar balansidagi korxonalarning ishlab chiqarish hajmlarini oshirish tadbirlari asosida tumanida kam quvvatli, iqtisodiy nochor korxonalarni moliyaviy qoʻllab quvvatlash dasturiga 2 ta korxona kiritilib, ularga jami 28,7 mlrd soʻm investitsiya kiritilishi va 104 ta yangi ish oʻrinlari yaratilishi belgilangan boʻlib, bugungi kunda 1 ta loyiha (Jumurtau MChJ da shagʻal ishlab chiqarishni kengaytirish loyihasi) ishga tushirilib, unga 100,0 mln soʻm investitsiya kiritildi va yangidan 4 ta ishchi oʻrni yaratildi.

"Amudaryo tekstil” xorijiy korxonasida ip-kalava ishlab chiqarish loyihasi boʻyicha 28,6 mlrd soʻm miqdorida investitsiya kiritilishi belgilangan boʻlsa, amalda 43,8 mln AQSh dollari miqdorida investitsiya kiritilib, hozirgi kunda qurilishi ishlari davom qildirilmoqda. Bu loyiha yakuniga yetkazilishi natijasida 250 ta yangi ish oʻrinlari yaratiladi.

Uchinchi yoʻnalish Xizmat koʻrsatish va servis sohalarini rivojlantirishga eʼtibor qartilib, tumanda "2012-2016-yillarda xizmat koʻrsatish sohalarini rivojlantirish” Dasturi ishlab chiqildi.

Dasturga asosan joriy yil uchun belgilangan xizmat koʻrsatish va servisni rivojlantirish parametrlarida jami 69 ta xizmat koʻrsatish va servis obʼektlari tashkil qilish, xizmatlar hajmini 99,6mlrd soʻmga oʻsim surʼatini 116,3foizga yetkazish nazarda tutilgan.

Bu yoʻnalishda olib borilgan ishlar natijasida shu kunga qadar jami 64 ta xizmat koʻrsatish va servis obʼektlari tashkil qilinib, ularga jami 3 mlrd 810 mln soʻm mablagʻ jalb qilinib, shundan 993,0 mln soʻm tijorat bank kreditlari, 2 mlrd 817 mln soʻm tadbirkorlarning oʻz mablagʻlari hisobidan amalga oshirilgan. Xizmat koʻrsatish obʼektlarini ishga tushirish natijasida 100 ta yangi ish oʻrinlari yaratildi.

Toʻrtinchidan Qishloq xoʻjalik mahsulotlari ishlab chiqarishni, yaʼni chorvachilik, parrandachilik, baliqchilik, asalarichilikni rivojlantirish dasturi ishlab chiqilib, mazkur dasturga jami qiymati 5,1mlrd soʻmlik 81 ta loyihalar kiritilgan boʻlib, shundan 3,9 mlrd soʻmini bank kreditlari tashkil qiladi va mazkur loyihalarni amalga oshirilishi natijasida 161 ta yangi ish oʻrinlari yaratilib, tuman aholisi sifatli goʻsht, sut, parranda goʻshti va tuxum, asal hamda baliq mahsulotlari bilan taʼminlanadi.

Mazkur loyihalarni amalga oshirish borasida olib borilgan ishlarimiz natijasida jami 4,2 mlrd soʻmlik mablagʻlar jalb qilinib 67 ta loyiha toʻliq amalga oshirildi va ularda 130 ta yangi ish oʻrni yaratildi.

Bu sohada olib borilayotgan ishlarimiz natijasida yil yakuniga qadar tumanimizdagi "Qoraqalpoq mahsulotlari” masʼuliyati cheklangan jamiyatida goʻsht yetishtirish yoʻnalishida 28 ming bosh parranda boqilishi va parrandachilik xoʻjaliklariga omuxta-yem ishlab chiqarish yoʻlga qoʻyiladi. Bugungi kunda bu korxonada qurilish taʼmirlash ishlari yakunlanib, omuxta-yem ishlab chiqarish uskunalarini oʻrnatish ishlari olib borilmoqda.

Bu yuqorida koʻrsatilgan dasturlarning barchasi Oʻzbekiston Respublikasi Prezidentining 2013-yil 14-fevraldagi PQ-1920-sonli "Obod turmush yili Davlat dasturi” asosida ishlab chiqilgan tuman dasturida oʻz aksini topib, ijrosini topmoqda.

"Obod turmush yili” Amudaryo tuman dasturi bandlari ijrosini taʼminlash uchun joriy yilning 11 oyi davomida jami 96mlrd 435,8 mln soʻm hamda 2,7 ming AQSh dollari miqdorida mablagʻ sarflandi.

Sarflangan mablagʻlarning 23 mlrd 284,2mln soʻmi hamda 2,7 ming AQSh dollarini byudjet mablagʻlari, 45 mlrd 105mln soʻmini bajaruvchilar va homiylar mablagʻlari hamda 28 mlrd 46,6mln soʻmini tijorat banklar kredit mablagʻlari tashkil qiladi.

Ushbu dasturlar ijrosi natijasida tumanimizning "2013-yilda aholi bandligini taʼminlash va yangi ish oʻrinlari tashkil qilish” dasturi ham oʻz ijrosini topmoqda. Bandlik dasturi ijrosini taʼminlash maqsadida olib borilgan ishlar natijasida joriy yilning oʻtgan davri mobaynida rejadagi 4871 ta oʻrniga 4969 ta yangi ish oʻrinlari yaratilib, belgilangan prognoz koʻrsatkichlari 102,0 foizga bajarildi.

2014-yilga moʻljallangan sanoat salohiyati dasturiga jami 26 ta loyiha kiritilgan boʻlib, ularda 330 ta yangi ish oʻrinlari yaratilishini, xizmat koʻrsatish va servis sohalarini rivojlantirish dasturida 88 ta obʼektlarni ishga tushirishni, oziq-ovqat dasturiga esa jami 49 ta loyihani amalga oshirishni belgilab olindi.

Bugungi kunda loyihalarning egalari aniqlanib, ularni amalga oshirish muddatlari boʻyicha tarmoq jadvallari ishlab chiqildi hamda ularni amalga oshirish boʻyicha tegishli ishlar olib borilmoqda.

(Foto - uza.uz)