Saylovlarda demokratiya ustuvor
Shaharcha, qishloq va ovullarda, shuningdek ular tarkibidagi mahallalarda hamda shaharlardagi mahallalarda fuqarolarning yigʻinlari oʻzini oʻzi boshqarish organlari boʻlib, ular ikki yarim yil muddatga raisni (oqsoqolni) va uning maslahatchilarini saylaydi.
Oʻzbekiston Respublikasi Konstitutsiyasining
105-moddasidan
Saylovlar bugungi muhim ijtimoiy-siyosiy voqea sifatida koʻpchilikning diqqat-eʼtibori markaziga koʻchdi. Har bir mahalla ahli fikri xayolida yangi oq-soqolimiz kim boʻlarkan degan savolli mulohazalar kezib yuribdi. Saylov boʻlib oʻtgan mahallalarda esa bu savolga javob topilib, koʻngillari taskin topmoqda va yangi oqsoqolning yanada faolroq ishlab fuqarolarning manfaatlarini koʻzlagan holda har bir oilaning, har bir xonadonning va nihoyat butun mahalla ahlining tinch-totuvligini, ogʻizbirchiligi va har ishda hamjihatliligini saqlagan holda uning barqarorligini taʼminlash yoʻlida, el-yurt farovonligi va obodligi borasida yanada koʻproq jon kuydirishiga amin boʻlmoqdalar. Saylangan oqsoqollarga bildirilgan ishonch asosli albatta. Negaki saylangan yangi oqsoqollar yangi tahrirdagi Qonun talablariga muvofiq demokratik tamoyillarga tayangan holda ochiq oshkoralik (ochiq ovoz berish yoʻli bilan), muqobillik va teng huquqlilik negizida saylovchi vakillarining erkin tanlashlari boʻyicha koʻpchilik ovoz bilan saylandilar. Bunga yorqin misol sifatida "Qangli” OFY tarkibidagi "Qumyop” MFYning yangi oqsoqoli Norboy Oʻrozimbetov Qurbonboyevichni koʻrsatishimiz mumkin. Chunki, bu yangi oqsoqol oʻtgan saylov davrida mazkur mahalla posboni sardori boʻlib faoliyat koʻrsatib, oʻz zimmasidagi vazifalarni bajarishga masʼuliyati kuchliligi va fidoyiligi bilan koʻpchilikning ishonchini qozongan. Mana shunday saylovchi vakillarining saylovda faol qatnashib oʻzlarining tanlash erkinligidan toʻla foydalangan saylov misoliga "Xolimbeg” OFY tarkibidagi "Oyoqchi” MFYda oʻtkazilgan saylovni ham koʻrsatishimiz mumkin. MFY saylovchi vakillari hukmiga oqsoqollik uchun uchta nomzod qoʻyildi. Shulardan oʻtgan saylov davrida mahalla oqsoqoli boʻlib faoliyat koʻrsatgan Komiljon Boboniyozov nomzodi uchun saylovda qatnashayotgan 47 vakildan 12 vakil ovoz bergan boʻlsa, Amu-daryo xizmat koʻrsatish kasb-hunar kollejining maxsus fan oʻqituvchisi Allayar Qalandarov Aminovich nomzodi uchun mazkur 47 vakildan 29 nafari yakdillik bilan ovoz berdi va koʻpchilik ovoz olganligi bois Allayar Qalandarov Aminovich "Oyoqchi” MFYning yangi oqsoqoli qilib saylandi. Muqobillik asosida uning 8 nafar maslahatchilari ham saylandilar.
Shuningdek, "Doʻrman” OFY tarkibidagi "Qoramon” va "Boʻzsolma”, "Kuyukkoʻpir” OFY tarkibiga kiruvchi "Oʻzbekiston”, "Qizilcholi”, "Bobur” OFY tarkibidagi "Jumur ovul”, "Qipchoq” OFY tarkibiga kiruvchi "Daryo boʻyi”, "Uyshin”, "Besh tom” mahalla fuqarolar yigʻinlarida ham saylovlar demokratik tamoyillarga tayangan holda oʻtkazildi. Saylovlarda demokratiya ustuvor boʻlib, oshkoralik, muqobillik va tenghuquqlilik tamoyillariga toʻla amal qilindi. Bugungi saylovlar jarayonlari nafaqat MFY rahbariyati tarkibidagi xodimlar va mutaxassislarning va mahalla faollarining, bal-ki oddiy fuqarolarning ham siyosiy va huquqiy ongi ancha oʻsganligidan, demokratiya tushunchalari va koʻnikmalari shakllanayotganidan, atrofimizda, butun mamlakatimizda va jahon miqyosida yuz beryotgan muhim voqealarga oʻz munosabatlarini bildirishga qodir boʻlyotganidan hamda oʻzlari ongli ravishda kuchli fuqarolik jamiyati bunyodkorlariga aylanayotganidan darak beradi.
Qobul Shomurodov.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
