Gazeta tahririyati tomonidan jamoatchilik ekspertizasi oʻtkazildi

Mamlakatimizda yosh avlod taʼlim-tarbiyasi bilan bogʻliq masala davlat siyosatining eng ustuvor yoʻnalishlaridan biri hisoblanadi va bu vazifani toʻlaqonli amalga oshirishni taʼminlash maqsadida zarur qonuniy asoslar yaratilgan. Har tomonlama yetuk va barkamol avlodni tarbiyalab voyaga yetkazishni koʻzlab qabul qilinayotgan Prezident Farmonlari, hukumat Qarorlari bu boradagi ishlarni yanada takomillashtirish imkonini yaratmoqda. Shunisi eʼtiborga molikki, yosh avlod taʼlim-tarbiyasi bilan bogʻliq Qonun loyihalari keng xalq ommasi eʼtiboriga havola qilinib, bu hujjatlar xalq muhokamasidan soʻng bildirilgan fikrlar bilan toʻliqtirilgan holda hayotga tatbiq etilmoqda.

“Taraqqiyot koʻzgusi” gazetasi tahririyatining Oliy Majlis huzuridagi nodavlat notijorat tashkilotlari va fuqarolik jamiyatining boshqa institutlarini qoʻllab-quvvatlash jamoat fondi tomonidan moliyalashtirilgan “Qonun loyihalari – jamoatchilik eʼtiborida” loyihasi doirasida oʻtkazilayotgan tadbirlarda mutaxassislar, xalq vakillari faol ishtirok etishib, muhokama etilayotgan Qonunlar yuzasidan oʻz fikr-mulohazalari hamda takliflarini bildirishmoqda.

Ana shunday tadbirlardan biri joriy yilning 10-dekabr sanasida Amudaryo xizmat koʻrsatish va servis kasb-hunar kolleji binosida oʻtkazildi.

Oʻzbekiston Pespubliasi normativ-huquqiy hujjatlarning muhokamasi portalida eʼlon qilingan normativ-huquqiy hujjat loyihasining fuqarolar, yuridik shaxslar huquqlari va qonuniy manfaatlariga, jamiyat manfaatlariga muvofiqligini aniqlash uchun oʻrganish hamda baholash maqsadida jamoatchilik ekspertizasini amalga oshirishga bagʻishlangan tadbirda Oʻzbekiston Pespublikasi Vazirlar Mahkamasining “Maktabgacha taʼlim muassasalarida sogʻlom ovqatlantirish tizimini takomillashtirish toʻgʻrisida”gi Qarori loyihasi muhokama etildi.

Qaror loyihasi muhokamasiga bagʻishlangan mazkur tadbirda tuman maktabgacha taʼlim muassasalari boʻlimi mutaxassislari, MTM mudirlari, tumanda faoliyat olib borayotgan siyosiy partiyalar vakillari, fuqarolarning oʻzini-oʻzi boshqarish organlari raislari hamda OAV xodimlari ishtirok etdilar.

Tadbirni “Taraqqiyot koʻzgusi” gazetasi bosh muharriri Gʻ.Yeshniyozov ochdi va tadbirdan koʻzlanayotgan maqsad hamda Oʻzbekiston Pespublikasi Vazirlar Mahkamasining “Maktabgacha taʼlim muassasalarida sogʻlom ovqatlantirish tizimini takomillashtirish toʻgʻrisida”gi Qarori loyihasida ilgari surilgan masalalarning yosh avlod taʼlim-tarbiyasidagi ahamiyati haqida qisqacha toʻxtaldi.

Shundan soʻng “Taraqqiyot koʻzgusi” gazetasi maxsus muxbiri Ozoda Xudoyberganova tadbir ishtirokchilarini muhokama qilinayotgan Qaror loyihasining mazmun-mohiyati bilan batafsil tanishtirdi.

Tadbirda 40-sonli MTM mudirasi Sharifa Sayitova, tuman MTM boʻlimi mudiri Oʻktam Qoʻshnazarov, Yangiobod MFY raisi Zebo Pajabova “Taraqqiyot koʻzgusi” gazetasi maxsus muxbiri Pobiya Yoʻldosheva, OʻzLiDeP tuman Kengashi raisi Muqaddas Beknazarova, 2-sonli MTM mudirasi Muhabbat Xudoyberganovalar Qaror loyihasi yuzasidan oʻz fikrlarini bildirdilar.

Maktabgacha taʼlim muassasalarida tarbiyalanayotgan bolalarni sogʻlom ovqatlantirish boʻyicha Qaror loyihasida koʻrsatilgan har ikkala usul, yaʼni, birinchisi, Maktabgacha taʼlim muassasalaridagi oshxonalar orqali sogʻlom ovqatlantirishni tashkil etish, ikkinchisi, sogʻlom ovqatlantirishni autsorsing usulida, yaʼni tadbirkorlar tomonidan shartnoma asosida tashkil etishda mahalliy shart-sharoitlardan kelib chiqib sogʻlom ovqatlantirishni tashkil qilish zarurligini taʼkidladilar.

Qonun loyihasiga bildirilgan takliflar Oʻzbekiston Pespubliasi normativ-huquqiy hujjatlarning muhokamasi portali orqali loyiha muallifi – Oʻzbekiston Pespublikasi Maktabgacha taʼlim vazirligiga yuborildi.