KUZGI GʻALLA PARVARIShI QANDAY KEChMOQDA?
Tumanimizda paxtachilikni rivojlantirish bilan birgalikda don mahsulotlari yetishtirishga ham alohida eʼtibor berilayotgani fermer xoʻjaliklarimizda gʻallachilik boʻyicha ham katta tajribalar toʻplanishiga sababchi boʻlayapti. Natijada dalalarimizda bugʻdoyning serhosil navlari ekilib, ulardan moʻl hosil olinayapti.
Oʻtgan yilning kuz oylarida tumanimizdagi 423 ta fermer xoʻjaliklarining jami 3350 gektar yeriga bugʻdoyning “Krasnodor” navi ekilib, bugʻdoy urugʻlarining toʻla undirilishiga erishildi. Shu kungacha 2625 gektar maydondagi bugʻdoy maysalari ikki marta, qolgan dalalar 1-marta sugʻorildi.
Gʻalladan moʻl hosil yetishtirishda mahalliy oʻgʻitdan foydalanish muhim ahamiyatga ega. Shu boisdan ham dalalarimizda bugʻdoy urugʻlari unib chiqishi bilanoq mahalliy oʻgʻit jamgʻarishga kirishildi. Bu ishda tumanimizdagi fermer xoʻjaliklari bilan birgalikda “Taxatosh don mahsulotlari” AJ tuman filali, “Qoraqalpoqagrokimyohimoya” AJ tuman filali va tuman veterinariya boʻlimi jamoalari ham barakali mehnat qilmoqdalar.
Shu kungacha tuman fermer xoʻjaliklari tomonidan 3397 tonna mahalliy oʻgʻit jamgʻarilgan boʻlsa, “Taxiatosh don mahsulotlari” AJ tuman filiali tomonidan jamgʻarilgan mahalliy oʻgʻit 1011 tonnani, “Qoraqalpoqagrokimyohimoya” AJ tuman filiali tomonidan tayyorlangan mahalliy oʻgʻit 952 tonnani, tuman veterinariya boʻlimi tomonidan tayyorlangan mahalliy oʻgʻit esa 957 tonnani tashkil etdi.
Bundan tashqari, 3350 gektar maydondagi bugʻdoy maysalari azotli mineral oʻgʻitlar bilan toʻliq oziqlantirildi.
Ayni kunda tumandagi fermer xoʻjaliklarida bugʻdoy ekilgan dalalarni chetan bilan oʻrash va har 3 gektar yerdagi gʻalla maydoni uchun bittadan xandaklar tayyorlash ishlari jadal olib borilayapti.
Tuman fermer xoʻjaliklarida gʻalla parvarishi yuksak agrotexnika qoidalar asosida tashkil etilmoqda.
A.Jumaniyozov.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
