FAXPIY USTOZLAP MAKTAB OʻQUVChILAPI BILAN UChPAShDILAP

1-fevral kuni Qilichboy ovulidagi 15-sonli umumtaʼlim maktabida “Nuroniy” jamgʻarmasi Amudaryo tumani boʻlimining “Jaholatga qarshi maʼrifat bilan kurashamiz” nomli grant loyihasi doirasida tadbir oʻtkazilib, unda faxriy oʻqituvchilar va maktabning bitkazuvchi sinf oʻquvchilari ishtirok etdilar.

Davra suhbati shaklida oʻtkazilgan ushbu tadbirni maktab direktori Murodjon Boltayev kirish soʻz bilan ochib, Nuroniylar ishtirokida oʻtkazilayotgan bunday tadbirlarning yoshlar maʼnaviyatini yuksaltirishga katta hissa qoʻshishga ishonch bildirdi.

Tadbirda “Taraqqiyot koʻzgusi” gazetasi masʼul kotibi Allambergan Jumaniyozov soʻzga chiqib, ushbu tadbirning yoshlarning boʻsh vaqtlarini mazmunli oʻtkazishga, ularni mafkura maydonining har qanday huquqlaridan himoya qilishga, maʼnaviy dunyosini badiiy yetuk asarlarga singdirilgan gʻoyalar bilan boyitishga, kitobxonlikka jalb qilish orqali ularning maʼnaviyatini yuksaltirishga taʼsiri kuchli boʻlishi haqida gapirdi.

Tadbirda faxriylardan Poza Ismoilova, Amin Qulboyev, Komila Oʻrazmetova, Aminboy Pajabov, Salomat Botirova va Bozorgul Masharipovalar soʻzga chiqishib, yoshlarni yaxshi bilim olishga, odobli boʻlishga va bizning millatimiz ruhiga mos, qalblarga maʼnaviy oziq, boylik beradigan kitoblarni koʻproq oʻqishga daʼvat etdilar.

Shundan keyin 11-sinf oʻquvchilaridan Mavluda Hasanova, Parizod Norimova, Qunduz Toʻliboyeva, Marhabo Pajabova, Hakimjon Bekimbetov, Dilxush Yoʻldoshev va Shahrizoda Bozorboyevalar soʻzga chiqishib, ustozlar – faxriy oʻqituvchilar bilan oʻtkazilayotgan ushbu uchrashuv tadbiri ularda katta taassurotlar qoldirayotgani, albatta ularning oʻgit-nasihatlariga amal qilishlari haqida gapirdilar.

Davra suhbati yakunida maktab direktori Murodboy Boltayev tadbir tashkilotchilariga va tadbirga tashrif buyurgan faxriy onaxon va otaxonlarga oʻz minnatdorchiligini bildirdi.

Allambergan JUMANIYoZOV.