Yoshlar ittifoqi tuman Kengashi tomonidan beshta tashabbus ijrosini taʼminlash boʻyicha tadbir oʻtkazildi
Prezidentimiz Sh.M.Mirziyoyev tomonidan belgilab berilgan yoshlarning madaniyat, sanʼat, sport, axborot texnologiyalari va kitob oʻqishga boʻlgan qiziqishini har tomonlama qoʻllab-quvvatlashga qaratilgan beshta tashabbusning ijrosini taʼminlash maqsadida tegishli chora-tadbirlar amalga oshirilmoqda.
27-aprel kuni Yoshlar ittifoqi Amudaryo tuman Kengashi tomonidan mazkur beshta tashabbusning ijrosini taʼminlash hamda yoshlarni jismoniy chiniqtirish, sport sohasidagi qobiliyatini namoyon qilish uchun zarur sharoitlar yaratish maqsadida futbol musobaqasi tashkillashtirildi. Qilichboy ovuli hududidagi mini futbol maydonchasida oʻtkazilgan ushbu musobaqada Qilichboy hamda Doʻrman ovullaridagi mahallalardan 13 ta jamoa ishtirok etdi. Musobaqa yakunida “Inter Xolimbeg” jamoasi 1-oʻrin, “Qilichboy siti” jamoasi 2-oʻrin, “Xizr eli” jamoasi esa 3-oʻrin gʻolibi deb topildi.
Shu kuni tashkilot tomonidan Prezidentimizning beshta muhim tashabbuslaridan biri boʻlgan xotin-qizlar bandligini taʼminlashga doir tadbir ham oʻtkazildi. Tadbir davomida Yoshlar markazi tuman boʻlimida tashkil qilingan turli toʻgaraklar haqida yoshlarga keng maʼlumot berildi va shu yerdagi tikuvchilik toʻgaragida hunar oʻrgangan 5 nafar qiz “Tamara-Feruza” xususiy korxonasiga ishga joylashtirildi.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
