Madaniyat boʻlimida toʻgarak aʼzolarining 2-chorak hisobot kontserti oʻtkazildi

Madaniyat boʻlimi va markazlarida tashkil qilingan toʻgaraklarda yoshlarga sanʼatning sir-asrorlari oʻrgatilib, ijodiy salohiyati oshirilmoqda. Undan tashqari ijodkor yoshlarni qoʻllab-quvvatlash va ularning yutuqlarini targʻib qilish maqsadida turli tanlovlar, koʻrgazmalar oʻtkazib kelinmoqda.

Tuman Madaniyat boʻlimida ham ijodkor yoshlarni har tomonlama qoʻllab-quvvatlash , ularning oʻz qobiliyatlarini va isteʼdodlarini toʻla namoyon etishlari uchun zarur shart-sharoitlar yaratib berilmoqda. Madaniyat boʻlimi va barcha madaniyat markazlarida 19 ta havaskorlik toʻgaraklari mavjud boʻlib, ularda 178 nafar aʼzolar mavjud.

2-iyul kuni tuman Madaniyat boʻlimining kontsertlar zalida toʻgarak aʼzolarining 2-chorak hisobot kontserti boʻlib oʻtdi. Toʻgarak aʼzolari katta sahnada yakka va jamoaviy qoʻshiqlar, milliy cholgʻu asboblari orqali kuylar ijro qilib, oʻz iqtidorlarini namoyish etdilar.  

Toʻgarak aʼzolariga hisobot kontserti yakunida hakamlar hayʼati tomonidan kerakli maslahatlar, tavsiyalar berildi.

N. Hayitmurodova,
Tuman Madaniyat boʻlimi mutaxassisi.