Qadamboy Siylixonov ikkinchi mavsumda ham moʻl pilla hosili yetishtirdi

Pillachilikni yetti xazinaning biri deyishadi. Buni yaxshi anglagan pillakorlar mavjud imkoniyatlardan unumli foydalangan holda ipak qurti parvarishiga alohida eʼtibor qaratadilar. Tumanimizdagi “Oʻrozboy Yermonov” fermer xoʻjaligida ana shunday oʻz ishining bilimdoni boʻlgan pillakorlar koʻp.

Qadamboy Siylixonov ancha yilllardan beri tumanimiz kasanachi pillakorlari orasida peshqadamlikni qoʻldan bermay keladi. U 2019-yilgi pillachilik mavsumida 3 quti ipak qurti urugʻini zooveterinariya qoidalari asosida parvarishlab, 170 kilogramm yuqori sifatli pilla hosili yetishtirgan edi. Qadamboy Siylixonov pillachilikda yuqori sifatli hosil olish omillaridan biri sifatida amaliyotga joriy etilgan ikkinchi pillachilik mavsumida ham 10 gramm ipak qurti urugʻini parvarishladi va 20 kilogarmm oʻrniga 31 kilogramm hosil olib, zimmasidagi rejani 150 foizdan oshirib ado etdi. Bu bilan u tumanimiz iqlim sharoitida takroriy ipak qurti urugʻini parvarishlash mavsumida ham yuqori sifatli pilla yetishtirish imkoniyati mavjudligini amalda isbotladi.

Qadamboy Siylixonov tomorqa xoʻjaligini yuritishda ham oʻziga xos tajribaga ega. 25 sotix tomorqa yerida alohida tartib bilan ekilgan mevali daraxtlar, poliz va sabzavot ekinlaridan har yili moʻl hosil oladi, oila daromadiga daromad qoʻshadi. Sigir-u buzoqlari, parrandalari esa roʻzgʻorning yanada toʻkin-sochin boʻlishini taʼminlanayotgani bekam-u koʻst, farovon yashashlari uchun zamin yaratmoqda.

Robiya Yoʻldosheva.