Chilpiq arxeologik yodgorligida madaniy-maʼrifiy tadbir oʻtkazildi
Mamlakatimizda butun insoniyatning noyob merosi boʻlmish qadimiy obidalar va yodgorliklarimizni qayta tiklash, asrab-avaylash borasida keng koʻlamli bunyodkorlik ishlari bajarilmoqda. Buning natijasida yurtimizga tashrif buyurayotgan sayyohlar safi yildan-yilga oshmoqda.
Taʼkidlash kerakki, sayyohlikni rivojlantirish borasida tumanimizda ham ibratli ishlar amalga oshirilayotir. Shu oʻrinda qadimiy “Chilpiq” qalʼasini obodonlashtirish maqsadida qiymati 378 mln. soʻm boʻlgan loyiha asosida qurilish ishlari bajarilganini aytib oʻtish joizdir. “Mangʻit Invest Maksimum” MChJ ishchilari tomonidan obida tepasiga olib chiquvchi zina va boshqa inshootlar qurildi. Ikkitadan shiypon va oʻtov tiklandi. Ayni paytda bu maskan Yevropa va sharq mamlakatlaridan tashrif buyurayotgan sayyohlar bilan gavjum.
Ajdodlarimizdan meros qolgan muqaddas yodgorliklarimiz tarixini chuqurroq oʻrganish, asl tariximizni yuzaga chiqarish bizning kelajak avlod oldidagi burchimizdir. Shu sababli tumanimiz yoshlarini uzoq moziy yodgorligi boʻlgan ushbu qalʼa tarixi bilan tanishtirish maqsadida sayohat va boshqada tadbirlar tashkillashtirilib boriladi.
16-oktyabr kuni OʻzMTDP tuman Kengashi tashabbusi bilan Chilpiq arxeologik yodgorligida “Tarixni oʻrganish, kelajakni mustahkamlash” shiori ostida madaniy-maʼrifiy tadbir oʻtkazildi. Tadbirda OʻzMTDP tuman Kengashi xodimlari, Xalq deputatlari tuman Kengashi deputatlari, Tuman Madaniyat boʻlimi, “Maʼnaviyat va maʼrifat markazi” tuman boʻlinmasi, 38-sonli maktabning musiqa toʻgaragi aʼzolari qatnashdilar.
Tadbir davomida 64-sonli maktabning tarix fani oʻqituvchisi G.Qodirova barchani qalʼa tarixi bilan tanishtirdi. Afsonalar va arxeolog-etnograf olimlarning ilmiy farazlariga asoslangan holda obidaning qurilishi, oʻz davrida qanday vazifani oʻtaganligi va hozirgi kundagi holati haqida gapirdi. Tarix boʻyicha sayohatchilarni qiziqtirgan savollarga ham tarixiy manbalardan kelib chiqib javob berdi. Yodgorlik oldiga qurilgan shiyponda OʻzMTDP tuman Kengashi aʼzolari va Xalq deputatlari tuman Kengashiga partiyadan saylangan deputatlar ishtirokida tumanimizdagi tarixiy obidalarni obodonlashtirishga hissa qoʻshish, ularni ham sayyohlik maskanlariga aylantirish boʻyicha qizgʻin suhbat oʻtkazildi.
Tuman Madaniyat boʻlimi va 38-sonli maktabning musiqa toʻgaragi aʼzolari tomonidan tayyorlangan musiqiy dastur tadbir ishtirokchilariga yanada katta zavq bagʻishladi.
Ozoda Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
