SINF KONTsERT DASTURI NAMOYISh ETILDI
9-sonli bolalar musiqa va sanʼat maktabida 8 ta yoʻnalish boʻyicha 281 nafar oʻquvchi-yoshlar sanʼat sirlarini qunt bilan oʻrganishmoqda. Maktab oʻquvchilari nafaqat tumanda, balki Qoraqalpogʻiston Respublikasi va mamlakat miqyosidagi turli koʻrik-tanlovlar, musiqa va sanʼat festivallarida muvaffaqiyatli ishtirok etib kelishmoqda. Ayniqsa, anʼanaviy xonanda va ijrochilik, xalq cholgʻu sozlari yoʻnalishlarida tahsil olayotgan oʻquvchilar erishayotgan yutuqlar quvonarli. Ular musiqa va sanʼat maktablari oʻquvchilari oʻrtasida har yili oʻtkazilib kelinayotgan koʻrik-tanlovlarda doimiy ravishda 1- va 2-oʻrinlarni egallab kelishmoqda.
- Bunda oʻquvchilar bilan olib borilayotgan mashgʻulotlardagi uzviylik asosiy omil boʻlmoqda, - deydi musiqa va sanʼat maktabi direktori Y.Abdalov. – Har bir chorak boʻyicha belgilangan dars-mashgʻulotlari yuzasidan sinf kontsertlari tashkil etiladi. Sinf kontsertida ham oʻquvchining iqtidori, ham oʻqituvchining darslarni qay darajada olib borgani va shu orqali oʻquv yilining choraklik uchun belgilangan rejalarining bajarilishi amalda namoyon boʻladi.
26-oktyabr kuni bolalar va musiqa va sanʼat maktabining xalq cholgʻulari boʻlimi oʻqituvchilari Zokir Fayzullayev, Shuhrat Saidov, Murodboy Eshimbetovlar 2019-2020 oʻquv yilining 1-choragi uchun belgilangan rejaga muvofiq sinf kontsertini tashkil etdilar. Kontsertda oʻquvchilar oʻzlari oʻrgangan yangi kuylarni maroq bilan ijro qilishdi. Dutor, rubob, doira kabi xalq cholgʻulari sadolaridan koʻngillar zavq-shavqqa toʻldi.
Ayni kunlarda 9-sonli musiqa va sanʼat maktabining iqtidorli oʻquvchilari bolalar musiqa va sanʼat maktablari oʻquvchilari oʻrtasida boʻlib oʻtadigan anʼanaviy koʻrik-tanlovlarga puxta hozirlik koʻrishmoqda.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
