Choykoʻlda chegara boʻyicha majlis
Choykoʻl ovulida ijtimoiy-maʼnaviy muhitni sogʻlomlashtirish hamda chegara oldi hududida yashash tartib-qoidalarini aholiga targʻib qilish maqsadida yigʻilish oʻtkazildi. 27-yanvar kuni boʻlib oʻtgan yigʻilishda Davlat xavfsizlik xizmati tuman boʻlinmasi xodimlari, tuman hokimining chegara masalalari boʻyicha yordamchisi, tuman hokimligi jamoat va diniy tashkilotlar bilan aloqalar boʻyicha bosh mutaxasissi, tuman Ichki ishlar boʻlimining terrorizm va ekstremizmga qarshi kurashish guruhi vakili hamda tuman bosh imom-xatibi ishtirok etdi. Yigʻilishga ovul fuqarolar yigʻini masʼul xodimlari, mahalla faollari, koʻchaboshchilari, yoshlar taklif qilindi.
Yigʻilishni “Choykoʻl” ovul fuqarolar yigʻini raisi Yaxshimurod Ahmedov ochdi va olib bordi. U oʻz soʻzida soʻnggi yillarda Prezidentimiz tomonidan aholi farovonligini oshirish boʻyicha gʻamxoʻrliklar kuchayayotgani, yoshlar taʼlim-tarbiyasiga jiddiy eʼtibor qaratish bugungi kundagi dolzarb vazifaga aylanganini, buning zamirida Vatanimizning porloq kelajagini yaratishdek ezgu maqsad yotganini taʼkidladi. Shuningdek, yoshlar qalbida vatanparvarlik tuygʻularini, milliy, maʼnaviy-madaniy qadriyatlarni mustahkamlash, “Jaholatga qarshi – maʼrifat” gʻoyasi asosida jamiyatda ijtimoiy-maʼnaviy muhit barqarorligini taʼminlash, insonparvarlik, ezgulik va tinchlikni qadrlash hamda diniy bagʻrikenglik va millatlararo totuvlikni yanada mustahkamlash asosiy vazifalardan biri ekanligi taʼkidlandi.
Tuman hokimining chegara masalalari boʻyicha yordamchisi Oybek Shomurodov soʻzga chiqib, shaxslarning chegara oldi zonasiga kirishi, undan chiqishi, oʻtishi, u yerda boʻlishi yashashi, agar qonun hujjatlarida boshqacha tartib belgilangan boʻlmasa, ichki ishlar organlarining ruxsatnomasi asosida amalga oshirilishi, chegara oldi mintaqasiga kirish va undan chiqish, oʻtish, u yerda vaqtincha boʻlish, yashash, harakatlanish chegara qoʻshinlarining ruxsatnomasi asosida amalga oshirilishi toʻgʻrisida batafsil tushuntirish berdi. Aholini “Oʻzbekiston Respublikasining Davlat chegarasi toʻgʻrisida”gi Qonunda koʻrsatilgan tartib-qoidalarga rioya etishga chaqirdi.
Shundan soʻng, tuman hokimligining jamoat va diniy tashkilotlar bilan aloqalar boʻyicha bosh mutaxassisi Jahongir Yoʻldoshev soʻzga chiqib, bugungi kunda muhtaram Prezidentimiz tomonidan yoshlar taʼlim-tarbiyasiga alohida eʼtibor qaratilayotganligini aytib oʻtdi. Aholi, ayniqsa, yoshlarning mutaassib gʻoyalarga berilish holatlarining oldini olish maqsadida yoshlarning boʻsh vaqtlarini mazmunli oʻtkazishlariga sharoit yaratish, hududdagi madaniyat markazida tumanimizning iqtidorli sanʼatkorlari ijrosida turli tomoshalar tashkil etib borish, ularni kitobxonlikka va sport bilan muntazam shugʻullanishga jalb etish lozimligi taʼkidladi.
Oʻquvchi-yoshlar va keng jamoatchilik oʻrtasida ijtimoiy tarmoqlarda tarqatilayotgan turli gʻarazli yot gʻoyalarga qarshi mafkuraviy immunitetni shakllantirish, yoshlar qalbida vatanparvarlik tuygʻularini kuchaytirish, milliy, maʼnaviy-madaniy qadriyatlarni mustahkamlash, “Jaholatga qarshi – maʼrifat” gʻoyasi asosida jamiyatda ijtimoiy-maʼnaviy muhit barqarorligini taʼminlashga barcha birdek masʼul ekanligini alohida taʼkidlandi.
Yigʻilishda tuman bosh imom-xatibi Abdurahmon Matsapayev soʻzga chiqib, mutaassiblik, ekstremizm va terrorizmga qarshi maʼnaviy-targʻibot faoliyatini yanada kuchaytirish, maʼnaviy-maʼrifiy tadbirlarda ijtimoiy-iqtisodiy hamda din sohasidagi olib borilayotgan islohotlar mazmun-mohiyatini aholiga yetkazish kerakligini taʼkidladi. Shu qatorda soʻnggi yillarda mamlakatimizda diniy soha faoliyatini takomillashtirish boʻyicha amalga oshirilayotgan ishlar toʻgʻrisida ham toʻxtalib oʻtdi.
Choykoʻl ovul fuqarolar yigʻini profilaktika inspektori Ikrom Sultonov hududda jinoyatchilik va huquqbuzarliklarning oldini olish borasidagi amalga oshirilayotgan ishlar haqida batafsil maʼlumot berdi.
Yigʻilish davomida aholi tomonidan bildirilgan fikr-mulohazalar tinglanib, ularni qiziqtirgan savollarga javoblar berildi va muhokama etilgan masalalar boʻyicha tegishli qarorlar qabul qilindi
O.Rajabova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
