XALQARO DOʻSTLIK ULUGʻLANDI
Har bir xalqning maʼnaviy-maʼrifiy hayotida chuqur iz qoldirgan ardoqli farzandlari dahosiga ehtirom, hurmat bajo keltirish oʻsha xalq va millat uchun intellektual mulk sifatida qadrlidir.
Tumanimizdagi 14-sonli umumtaʼlim maktabida boʻlib oʻtgan maʼnaviy-maʼrifiy tadbirda bu oʻzining yaqqol ifodasini topdi. Qozoq adabiyotining buyuk siymolaridan biri Muqagʻaliy Muqatayev tavalludining 89-yilligiga bagʻishlangan mazkur tadbirda nafaqat Muqagʻaliy Muqatayevning oʻlmas ijodiga, balki milliy mumtoz va hozirgi zamon qozoq adabiyotiga alohida eʼtibor qaratilib, adabiy-tarixiy maʼruzalar oʻqildi. Ayniqsa, Muqagʻaliy Muqatayev qalamiga mansub asarlarning adabiy-badiiy qimmatiga yuksa baho berildi.
Tadbirda buyuk siymoning asarlaridan parchalar aytildi va “Aqquvlar uyqtagʻanda” poemasidan sahna koʻrinishi namoyish etildi. Shuningdek, Muqagʻaliy Muqatayevning sheʼrlaridan ham oʻqildi.
Kecha davomida qozoq tili fani toʻgarak qatnashchilari faol oʻquvchilar tomonidan musiqali dastur namoyish qilindi. Oʻquvchilarda qozoq tili va adabiyotiga boʻlgan qiziqish yanada kuchaydi.
“Muqagʻaliy - mangulikka daxldor umr” deb nomlangan mazkur tadbirni maktabning qozoq tili va adabiyoti fani oʻqituvchilari Mayra Umrboyeva hamda Murod Toʻramurodovlar tayyorlashdi. Boʻlib oʻtgan tadbir oʻquvchi-yoshlar qalbida qozoq milliy adabiyotiga, shu barobarida xalqlar doʻstligi va adabiyotlar doʻstligiga cheksiz mehr-muhabbat uygʻotdi.
Robiya YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
