Xalq deputatlari Amudaryo tuman Kengashining uchinchi sessiyasi toʻgʻrisida AXBOPOT

2020-yil 24-fevral kuni tuman hokimligi majlislar zalida Xalq deputatlari Amudaryo tuman Kengashining 3-sessiyasi boʻlib oʻtdi.

Sessiya majlisida Oʻzbekiston Yoshlar Ittifoqi Qoraqalpogʻiston Pespublikasi Kengashi raisi, senator Abatbay Daniyorov, Qoraqalpogʻiston Pespublikasi Vazirlar Kengashi Paisining oʻrinbosari Erkinbay Durdiyev, Xalq deputatlari tuman Kengashi deputatlari, tuman hokimi oʻrinbosarlari, hokimlik masʼul xodimlari, huquq-tartibot organlari, boʻlimlar, korxona-tashkilotlar rahbarlari, fuqarolar yigʻinlari raislari hamda ommaviy axborot vositalari vakillari ishtirok etdilar.

Sessiya majlisini tuman hokimi Sultonboy Yoʻldashev ochdi hamda olib bordi. Sessiya kun tartibida bir qator masalalar muhokama qilindi. Xususan, kun tartibidagi dastlabki, Amudaryo tumani hokimining oʻrinbosari – mahalla va oilani qoʻllab-quvvatlash boʻlimi boshligʻi va uning oʻrinbosarlarini tayinlash haqidagi masala yuzasidan Qoraqalpogʻiston Pespublikasi Vazirlar Kengashi Paisining oʻrinbosari Erkinbay Durdiyev soʻzga chiqdi. U oʻz soʻzida taʼkidlaganidek, joriy yil 18-fevral kuni Oʻzbekiston Pespublikasi Prezidentining “Oʻzbekiston Pespublikasi Mahalla va oilani qoʻllab-quvvatlash vazirligi faoliyatini tashkil etish toʻgʻrisida”gi qarori imzolandi. Mazkur Qaror bilan Oʻzbekiston Pespublikasi Mahalla va oilani qoʻllab-quvvatlash vazirligi hamda uning Qoraqalpogʻiston Pespublikasi, viloyatlar, Toshkent shahri va tuman, shahar boʻlimlari tashkil etilishi belgilangan.

Qoraqalpogʻiston Pespublikasi Joʻqorgʻi Kengesi Paisining farmoyishiga koʻra, yangidan joriy qilingan Amudaryo tumani hokimining oʻrinbosari – mahalla va oilani qoʻllab-quvvatlash boʻlimi boshligʻi lavozimiga Yuldashev Alisher Yalgashevich tayinlangan. Deputatlar Qoraqalpogʻiston Pespublikasi Joʻqorgʻi Kengesi Paisining ushbu farmoyishini bir ovozdan tasdiqladilar.

Shuningdek, Qoraqalpogʻiston Pespublikasi Mahalla va oilani qoʻllab-quvvatlash vazirining buyrugʻiga koʻra boʻlim boshligʻining birinchi oʻrinbosari lavozimiga Beknazarova Muqaddas Norim qizi, boʻlim boshligʻining oʻrinbosarlari lavozimiga Qurboniyazov Aziz Fayzullayevich va Baltabayev Baxadir Bazarboyevichlar tayinlanganligi majlis ishtirokchilari eʼtiboriga havola qilindi.

Sessiya kun tartibidagi navbatdagi – “Band boʻlmagan yoshlarni ish bilan taʼminlash boʻyicha sektor rahbarlarining hisobotlari toʻgʻrisida”gi masala yuzasidan tumanni ijtimoiy-iqtisodiy rivojlantirish boʻyicha tashkil qilingan toʻrtta sektor rahbarlarining hisobotlari tinglandi.

Hisobotlarda taʼkidlanganidek, 2019-yilda barcha sektorlar hududlarida band boʻlmagan yoshlarni ish bilan taʼminlash yuzasidan bir qator chora-tadbirlar amalga oshirilgan. Xususan, tadbirkorlik faoliyati bilan shugʻullanish istagida boʻlgan yoshlar uchun joriy qilingan “Yoshlar – kelajagimiz” va “Har bir oila – tadbirkor” davlat dasturlari boʻyicha yoshlar orasida keng targʻibot ishlari olib borilishi natijasida koʻpchilik yosh tadbirkorlar oʻz faoliyatini boshlab, bandligi taʼminlandi.

Ushbu masala yuzasidan Oʻzbekiston Yoshlar ittifoqi Qoraqalogʻiston Pespublikasi Kengashi  raisi Abatboy Daniyorovning fikr-mulohazalari tinglandi. U oʻz soʻzida, bugungi kunda davlatimiz rahbari yoshlar siyosatiga alohida eʼtibor qaratayotganini, yoshlar bandligini taʼminlash maqsadida yuqori imkoniyatlar yaratilayotganligini, shuningdek, bunday eʼtibor hamda ishonchni oqlash yoʻlida Amudaryo tumani yoshlari astoydil harakat qilayotganini alohida taʼkidladi.

Kun tartibidagi yana bir masala – Amudaryo tumani mahalliy byudjetining 2019-yilgi ijrosi toʻgʻrisida tuman Moliya boʻlimi mudiri Ulugʻbek Bekniyazov axborot berdi. Axborotda 2019-yil davomida tuman mahalliy byujdetining daromadlari va xarajatlari boʻyicha batafsil maʼlumotlar berildi.

Kun tartibidagi huquqbuzarliklarning oldini olish va ularning profilaktikasi holati toʻgʻrisidagi masala yuzasidan tuman ichki ishlar boʻlimi boshligʻining yoshlar masalalari boʻyicha oʻrinbosari – huquqbuzarliklar profilaktikasi boʻlinmasi boshligʻi Aziz Qurboniyazov hisobot berdi. U oʻz hisobotida 2019-yilda olib borilgan profilaktik tadbirlar natijasida jinoyat va huquqbuzarliklarning soni sezilarli darajada kamayganligi, aholi tinchligi va farovonligini taʼminlash yuzasidan qator ishlar amalga oshirilayotganligini taʼkidladi.

Shuningdek, sessiyada aholiga tibbiy xizmat koʻrsatish sifatini oshirish borasida amalga oshirilayotgan ishlar yuzasidan tuman Tibbiyot birlashmasi boshligʻi oʻrinbosari Xidirboy Tajimovning hisoboti tinglandi. U oʻz soʻzida 2019-yilda tuman Tibbiyot birlashmasida aholi salomatligi yoʻlida amalga oshirilgan ishlar xususida toʻxtalib, bugungi kunda butun dunyoga xavf solayotgan epidemik kasallikning oldini olish yuzasidan koʻrilayotgan choralar yuzasidan maʼlumot berdi.

Sessiya majlisida Xalq deputatlari Amudaryo tuman Kengashi raisining oʻrinbosarini saylash masalasi ham muhokama qilindi.  Tadbirkorlar va ishbilarmonlar harakati – Oʻzbekiston liberal-demokratik partiyasi aʼzosi, 20-Kuyuk koʻpir saylov okrugidan deputat Gʻulomjon Yeshniyozov Xalq deputatlari Amudaryo tuman Kengashi raisining oʻrinbosari qilib saylandi.

Sessiyada tuman hokimi oʻrinbosari – xotin-qizlar qoʻmitasi raisi Maryam Ahmedova boshqa ishga oʻtishi munosabati bilan uni lavozimidan ozod qilish haqidagi Qoraqalpogʻiston Pespublikasi Joʻqorgʻi Kengesi Paisining farmoyishi deputatlar tomonidan tasdiqlandi.

Sessiya majlisidagi  barcha masalalar yuzasidan tegishli qarorlar qabul qilindi. Shuning bilan sessiya oʻz ishini yakunladi.

Tuman hokimligining axborot xizmati.