TÖLQINLIKLAP KAPANTIN DAVPINI TOMOPQASIDA, QIZĞIN MEHNAT JAPAYoNIDA ÖTKAZIŞMOQDA

Tölqin ovuli tumanimizning yeri eng unumdor, odamlari mehnatkaş, tilsiz zamin bağridan möl-köl hosil olişda köpçilikka ibrat bölgulik omilkorlar yaşaydigan hududidir.

Qadim Amudaryo sohilida joylaşgan ovul aholisi öz tomorqalarini haqiqiy daromad manbaiga aylantirişgan. Bu yerda tomorqa, çorva, parrandasi yöq xonadonning özi yöq. Hozirgi kunda hududda 1360 ta xonadonda 7660 nafar aholi istiqomat qiladi. Ularning tomorqa yerlari 270 gektarni taşkil qiladi. Şu kungaça mazkur maydonlarning ertagi ekinlar ekiladigan qismiga kartoşka, piyoz, beda kabi ekinlar ekib bölinib, ayrimlari unib çiqa boşladi.

Ovulda tomorqasida issiqxona taşkil etib, qişda ham sarxil sabzavotlar yetiştirib, bozorlarimiz tökinligiga hissa qöşayotgan oilalar bor. Issiqxonalarda ertagi ekinlar köçatlarini yetiştirib, öz tomorqasiga köçirişdan taşqari, ovuldoşlarining ham tomorqalariga zarur köçatlarni yetkazib berayotganlar köpçilik.

Jami 19 ta issiqxonalarda yetiştirilgan ertagi karam, bulğor qalampiri, pomidor, bodring, baqlajon köçatlarini oçiq tomorqa yerlarga ekiş işlari boşlanib ketdi.

Hayitboy Yöldoşevning 16 sotixlik tomorqasi oilasini sabzavot, poliz mahsulotlari va mevalar bilan taʼminlabgina qolmay, qöşimça daromad ham keltiradi. Uning oila aʼzolari kömagida ekkan ertagi piyoz, kartoşkalari unib çiqa boşladi, ertagi karam, qulupnay köçatlari rivoji yaxşi. Şuningdek, ötgan yilning kuzida ekilgan sarimsoqpiyoz barglari hozir isteʼmolga yarab qoldi.

Izlagan imkon topadi, deydi xalqimiz. Yurtimizga tarqalgan koronavirus  infektsiyasiga qarşi kuraş kun sayin avj olib, şifokorlar uçun ğoyat masʼuliyatli davrlar keçayotgan bölsa-da, şifokor Baxtiyor Muxtorov “Har bir oila – tadbirkor” dastur asosida kredit olib taşkil etgan issiqxonasidagi işlarini ham öz holiga taşlab qöymadi. Hozir uning issiqxonasida ekilgan bodring, pomidorlar gullab, hosil  tugayotgan bölsa, karam, pomidor, bulğor qalampiri, qovun, tarvuz, handalak, baqlajon köçatlari oçiq maydonga köçirib ötqazişga tayyor böldi. Ovuldoşlari bu köçatlarni yaxşi niyatlar bilan sotib olib, tomorqasiga ötqazişmoqda. Issiqxonadagi işlarda turmuş örtoği Nigora Şukurlayeva, qizi Nasibalar yaqin kömakçi.

Farhod Otajonov ham ovuldagi tomorqasini möl daromad manbai deya hisoblaydigan, yerning tilini biladigan insonlarning biri.

Uning 16 sotixlik tomorqasidagi  qölbola issiqxonasida hozir rediska yetilib, isteʼmolga yarab qoldi. Ertagi  karam, bulğor qalampiri, pomidor, baqlajon köçatlarini esa köçirib ötqazişni boşlab yuborişdi. Şuningdek, olma, uzum, örik, nok kabi daraxtlarning mevasi oilani yoz böyi taʼminlabgina qolmay bozorda sotişga ham ortadi.

Şifokorlar koronavirus infektsiyasi keng tarqalib ketmasligi uçun odamlarni iloji boriça uyda bölişga, jamoat joylariga borişdan saqlanişga çorlayotgan bir vaqtda tölqinliklar yaxşi kunlar umidi bilan tomorqasiga rözğori uçun zarur böladigan sabzavot, poliz ekinlarini ekiş va möl hosil oliş uçun tinmay mehnat qilmoqdalar.

Erta eksang, erta örasan, deydi xalqimiz. Öz oilasi ehtiyojidan orttirib, ertagi ekinlar hosili bilan yurtdoşlarmiz dasturxonni tökinligiga  ham hissa qöşişga intilayotgan barça dehqonlarga ham mehnatlaringiz barakasini bersin, deb qolamiz.

O.PAJABOVA.