Tumanimiz aholisiga MUROJAAT

Amudaryo tumani hokimligi, tuman xotin-qizlar qömitasi va Fermerlar Kengaşi, «Mahalla» xayriya jamoat fondi,  «Nuroniy» jamğarmasi, «Kamolot» YoIH tuman bölimlarining tumanimiz aholisiga MUROJAATI

Qadrli yurtdoşlar!

Bugun Siz bilan biz tinçlik va farovonlik hukm surib, taraqqiyot yölidan dadil borayotgan yurtda bunyodkor va fidoyi xalq bilan hamnafas turmuş keçirmoqdamiz. Ota-bobolarimiz asrlar davomida orzu qilgan ona Vatanimizning ozodligi va erkinligini köriş, gullab-yaşnaşiga hissa qöşiş baxti bizga nasib qildi. Mana şunday buyuk baxtni yurakdan his qilgan xalqimizning fidoyi mehnatlari evaziga şahar-u qişloqlarimiz, mahalla va xonadonlarimiz kun sayin obod bölib bormoqda. Inson manfaatlariga xizmat qilayotgan islohotlar natijasida xalqimizning turmuş darajasi va sifati yil sayin yuksalmoqda.

Davlatimizning kuç-qudrati, xalqimizning jahon maydonidagi obrö-eʼtibori bundan-da yuksalişi kelajagimiz egalarining har tomonlama soğlom bölib voyaga yetişiga boğliq. Soğlom farzandlar esa obod manzillarda dunyoga keladi, kamol topadi.

Muhtaram Yurtboşimiz aytganlaridek, "Obod deganda, xalqimiz, millatimiz nafaqat körkam va çiroyli, şu bilan birga, tinçlik va osoyiştalik, özaro mehr-oqibat, ahillik, fayz-baraka hukmron bölgan joylarni, doimo pok niyat va soğlom intiliş bilan yaşaşni tasavvur qiladi”. Yaşaş joyimiz va xonadonimiz pokligi – köngil pokligining belgisidir. Şu sababli bahor kelişi bilan yurtimizning barça joylarida bölgani kabi tumanimizda ham keng kölamli obodonlaştiriş va kökalamzorlaştiriş işlari olib borilmoqda. Mahallalardagi ariqlarni tozalaş, hovli va xonadonlarning devorlari va fasad qismlarini oqlaş, daraxtlar, gullar ekiş, tomorqada mevali köçatlar hamda qişloq xöjaligi ekinlarini ekiş tadbirlari uyuşqoqlik bilan bajarilmoqda.

Azaliy dehqonlar yurti bölgan tumanimiz ahli yerning qadrini biladi, har bir qariç yerdan daromad manbai sifatida foydalanadi. Yerga mehrini berib, yer bilan tillaşib, yerdan dur undiradi.

Keyingi yillarda bobodehqonlarimizning bu kabi mirişkor va tadbirkorligi tumanimizni butun Respublikamizga tanitdi - paxta va ğalla yetiştiriş rejalari ortiği bilan bajarilmoqda.

Bu yil ham paxtakorlarimiz möl xirmon yetiştirişni öz oldlariga maqsad qilib, 15850 gektarmaydonga baraka uruğini qadadilar.

Dehqon uçun oson yilning özi yöq. Bu yilgi bahorning keç kelişi natijasida çigit ekiş mavsumi ança keçga surildi. Qolaversa, çigitning unib çiqişi uçun yerda maqbul haroratning töplanmayotgani natijasida uruğlikning çirib ketiş xavfi yuzaga keladi. Bu esa dalalardan töliq nihol olinmay, hosildorlikning kamayişiga olib keladi.

Buning ustiga, aprel oyining uçinçi ön kunligida meʼyoridan ortiq yoğingarçilik bölib, tumanimiz hududida yoqqan yomğirning sathi 10-12 millimetrgaça yetişi paxta ekilgan dalalarda qatqaloq paydo bölişiga olib keldi. Qatqaloq ildizi yaxşi rivojlanmagan nihollarni ösişdan töxtatadi va kasallantirib, nobud bölişiga olib keladi. Buning oldini oliş uçun tuproqning yuza qismini dala yetilişi bilan 1–2 kun içida yumşatiş va qatqaloqni bartaraf etiş zarur.

Hurmatli yurtdoşlar!

Mana şunday qiyin bir vaziyatda xalqimizning rizq-rözi va iqtisodiyotimiz asosi bölgan paxtaning, dehqonlarimizning şunça kunlik mehnatining nobud bölişiga yöl qöymaylik!

Keling, bir yoqadan boş çiqarib, fidoyilik va uyuşqoqlik bilan tabiatning bu sinovidan ham yoruğ yuz bilan ötaylik. Zero, paxta – kafolatlangan byudjet, uning daromadi evaziga kelgusida farzandlarimiz uçun taʼlim-tarbiya maskanlari, namunaviy uy-joylar va boşqa ijtimoiy obʼektlar quriladi.

Hurmatli fermerlar!

Bugun Sizlarga oson bölmayotganini xalqimiz yurakdan his qilib turibdi. Işonamizki, neça yillik tajribangiz va hayotiy bilim hamda könikmalaringiz bilan bu sinovlarni ham mardonavor yengib ötasiz.

Sizning alohida eʼtibor qaratişingiz kerak bölgan jihatlar şundaki, avvalo har bir dalaning, har bir egatning egasini tayinlab, butun işçi kuçi va texnika-agregatlarni safarbar etib, har bir dalani alohida közdan keçirib, qatqaloqni qanday usulda yumşatiş zarurligini belgilaşingiz lozim.

Dala yetilişi bilan qatqaloq işlarini boşlab, yangi ekilgan yerlarga barona bilan mola bosiş, çigit 25-50 foiz kökarib çiqqan dalalarda esa qatqaloqni faqat qöl kuçi bilan yumşatiş, ğöza nihollari unib çiqqan yerlarda qator oralariga kultivatsiya bilan işlov beriş kabi agrotexnik tadbirlarning öz vaqtida va sifatli bajarilişi kelgusi baland xirmonga asos bölişini unutmang!

Qadrli dala mehnatkaşlari!

Tuşunamizki, işning oğiri va masʼuliyatlisi – Sizning zimmangizda. Sizlarning metindek mustahkam irodangiz, qiyinçiliklarga bardoşingiz neça-neça sinovlardan ötgan. Biz işonamizki, tabiatning navbatdagi injiqligini ham mardonavor yengib ötasiz, ahillik va hamjihatlik bilan xavf ostida turgan ğöza nihollariga qayta hayot baxş etib, dalalardan töliq köçat olişning uddasidan çiqasiz!

Muhtaram otaxon va onaxonlar, qadrli nuroniylar!

Sizlarning mehnat va maşaqqatlar bilan keçgan hayot yölingiz biz uçun qançalik qadrli bölsa, yöl-yöriq va körsatmalaringiz, duo va fotihalaringiz, oltindan qimmat maslahatlaringiz dehqonlarimiz uçun şunçalik zarur!

Şunday sinovli damlarda hayot tajribalaringiz, qimmatli fikrlaringiz va daʼvatlaringiz bilan dehqonlarga, haşarçilarga madadkor böling!

Aziz opa-singillar, muhtarama ayollar!

Bugun hayotimizning har bir jabhasida erişilayotgan yutuqlarda, qölga kiritilayotgan muvaffaqiyatlarda Siz azizlarning hissangiz ğoyat ulkan ekanligini barçamiz yaxşi bilamiz va qadrlaymiz. Ayol kişining qöli gul, ayol borgan yer jannatga aylanadi. Ayol qöl urgan işda baraka böladi.

Keling, har bir niholga farzandingiz kabi mehr bering, Sizlarning qalbingiz qaynoqligi va mehringiz tafti har bir dalaga va dehqonlarimiz yuragiga yetib borsin!

Kelajagimiz egalari bölgan aziz yoşlar!

Yurtboşimiz va xalqimiz Sizlarga çin yurakdan işonadi va suyanadi. Sizlarning yangilikka taşna, ezgulikka limmo-lim qalbingiz har qanday maşaqqatni yengmoqqa qodir. Sizlardagi jöşqinlik, yoşlik şijoati dalada mehnat qilayotgan har bir qalbga köçsin! Bugungi kunning zalvorli yukini yelkaga olib, dalada mehnat qilayotgan dehqonlarimizga qöl-qanot böling!

Tuproqni yorib çiqib, quyoşga intilayotgan ğöza niholiga hayot baxş etiş ertanggi kuningiz uçun zamin, mustahkam asos bölişin unutmang!

Yillar davomida hayot sinovlarini aqlu zakovat, sabru qanoat bilan yengib kelayotgan, mehnatidan qadr topib yaxşilik, ezgulik sari intilayotgan, qalbi kelajakka umid, işonç tuyğulari bilan töliq aziz amudaryoliklar!

Dehqonlarimizning neça yillik faoliyati davomida bundan ham murakkabroq vaziyatlar, qiyin va sinovli kunlar röy bergan. Biroq, elimiz bu maşaqqatlarni katta çidam, sabr va qanoat, oğizbirçilik va birdamlik, matonatli va fidoyi mehnatlari bilan mardonavor yengib kelgan.

Bugun dehqonlarimiz sizning yordamingizga juda muhtoj. Şuning uçun bobodehqonlarimizga madadkor bölib, xaşarga otlanaylik. Özini şu el fidoyisi, şu el farzandi deb bilgan har bir yurtdoşimizning örni bugun – dalada!

Işonçimiz komilki, bu yil ham Sizlarning metindek irodangiz oldida qiyinçiliklar boş egib, baland xirmonlar yuksaladi, kamçiliklar çekinib, muvaffaqiyatlar böy körsatadi.

Şuningdek, obodonlaştiriş va kökalamzorlaştiriş tadbirlarini kundalik işimiz deb bilib, hovli va xonadonimiz, köça va guzarlarimiz, ovul va mahallalarimizni bundan-da obod, körkam, fayzli maskanga aylantiraylik! Könglimiz tozaligi, orzu va niyatlarimiz pokligi yaşaş joyimiz ozodaligi va saranjom-sariştaligida öz ifodasini topsin!

Yurtimiz obodligi va xalqimiz farovonligi uçun hissa qöşib, yilni yoruğ yuz bilan yakunlaş baxti Siz-u bizga nasib etsin!