“Namuna”ning bahor malikalari
Tumanimizdagi 52-sonli maktab oʻqituvchilar jamoasi Xitoy ovulidagi "Namuna” mahalla fuqarolar yigʻinida tashkil etilgan Salomatlik, taʼlim, oilaga kirish, bandlik va jinoyatchilik profilaktikasi sektorlari faoliyati bilan uzviy rvishda ish olib borishmoqda. Yaʼni, farzandlari kasb-hunar kollejlarida tahsil olayotgan oilalar hayoti izchil grafik asosida oʻrganilib, muammolar oʻz vaqtida bartaraf etilishiga erishish bilan birga oʻtkazilgan mazkur tadbirlar oʻz samarasini berib, quvonarli yutuqlarga erishilmoqda. Yaqinda oʻquvchi-qizlar orasida sportning yengil atletika yoʻnalishi boʻyicha Qoraqalpogʻiston Respublikasi bosqichida maktabning 9-sinf oʻquvchisi Shaxnoza Safarboyeva faxrli 3-oʻrinni egallab, tuman va maktab sharafini munosib himoya qildi. Shu sport yoʻnalishi boʻyicha maktabning "Barchinoy” jamoasi 25-mart kuni Qoraqalpogʻiston Respublikasi miqyosida "Bahor malikalari -2014” musobaqalarida yuksak natijalarga erishib, joriy yilning 28-30-mart kunlari Buxoro shahrida oʻtkazilgan Oʻzbekiston Respublikasi miqyosidagi final bellashuviga qatnashish huquqini qoʻlga kiritishi maktabning, qolaversa, "Namuna” mahallasining katta yutugʻi boʻldi.
Bundan tashqari, ”Oila - mahalla va taʼlim muassasalari hamkorligi” doirasida mahallada tashkil qilingan "Ota-onalar universiteti” tadbirlarida va ommaviy madaniy-maʼrifiy ishlarning olib borilishida maktab jamoasi yetakchi oʻrinni egallab kelmoqda. Mahalla fuqarolar yigʻinining diniy maʼrifat va maʼnaviy-axloqiy tarbiya masalalari boʻyicha maslahatchisi, mahalla posboni va mahalla profilaktika noziri bilan hamkorlikda yoshlarning boʻsh vaqtini toʻgʻri va mazmunli tashkil qilish, ularni kasb-hunarga yoʻnaltirish, sport mashgʻulotlari bilan shugʻullanishlari uchun sharoit yaratish ishlari ota-onalar bilan hamkorlikda olib borilishiga erishilmoqda. Bu borada "Namuna” mahalla fuqarolar yigʻinidagi tegishlikomissiyalar bilan hamkorlikda mahallada va maktabda taʼlim-tarbiyaga oid masalalarda izchillik bilan ishlar olib borilmoqda.
Gulmirza Bobojonov,
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
