9-APREL – BUYuK BOBOKALONIMIZ, SOHIBQIRON AMIR TEMUR TAVALLUD TOPGAN KUN
KUCh
- ADOLATDADIR
"… Buyuk bobolarimizning maʼnaviy olami xususida fikr yuritganda, Sohibqiron
Amir Temur haqida alohida toʻxtalishimiz tabiiydir. Chunki tengsiz azmu shijoat,
mardlik va donishmandlik ramzi boʻlgan bu mumtoz siymo buyuk saltanat barpo etib,
davlatchilik borasida oʻzidan ham amaliy, ham nazariy meros qoldirdi, ilmu fan,
madaniyat, bunyodkorlik, din va maʼnaviyat rivojiga keng yoʻl ochdi.
Shaxsan men «Temur tuzuklari»ni har gal oʻqir ekanman, xuddiki oʻzimga
qandaydir ruhiy kuch-quvvat topgandek boʻlaman. Oʻz ish faoliyatimda bu kitobga
takror-takror murojaat qilib, undagi hech qachon eskirmaydigan, inson maʼnaviyati
uchun bugun ham oziq boʻladigan hikmatli fikrlarning qanchalik hayotiy ekaniga koʻp
bor ishonch hosil qilganman. Masalan, «Tajribamda koʻrilgankim, azmi qatʼiy,
tadbirkor, hushyor, mard va shijoatli bir kishi mingta tadbirsiz, loqayd kishidan
yaxshiroqdir», degan soʻzlar bugungi kunda ham maʼnaviy jihatdan naqadar dolzarb
ahamiyatga ega ekani barchamizga ayon.
Amir Temur bobomizning bunday chuqur maʼnoli hikmatlari xalqimizda qadimdan
mavjud boʻlgan «Bilagi zoʻr birni, bilimi zoʻr mingni yiqar» degan maqolga gʻoyat
hamohang boʻlib, insonni doimo aql-idrok, adolat va yuksak maʼnaviyat asosida
yashashga daʼvat etishi bilan eʼtiborlidir”.
Islom Karimov, «Yuksak maʼnaviyat - yengilmas kuch» asaridan.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
