ISLOHOTLARNING MUHIM POYDEVORI
8-dekabr – xalqimiz uchun mustaqil taraqqiyot yoʻlini belgilab, milliy davlatchilik, yangi siyosiy-ijtimoiy tizim barpo etish, demokratik davlat va fuqarolik jamiyati qurishning huquqiy poydevorini yaratib bergan muhim sanalardan biridir.
Konstitutsiya oʻtgan yillar mobaynida mamlakatimizning inson, uning huquqlari, manfaat va erkinliklarini haqiqiy qadriyat deb biladigan mustaqil va suveren davlatga aylanishida asosiy dasturilamal boʻldi.
“Oʻzbekiston Respublikasida Oʻzbekiston Respublikasining Konstitutsiyasi va qonunlarining ustunligi soʻzsiz tan olinadi. Davlat, uning organlari, mansabdor shaxslar, jamoat birlashmalari, fuqarolar Konstitutsiya va qonunlarga muvofiq ish koʻradilar”. Konstitutsiyamizning 15-moddasida belgilangan ushbu qoidaning hayotiy ifodasini yurtimizda yashayotgan har bir fuqaro oʻz turmush tarzi, ish faoliyatida koʻrishi mumkin. Oilaviy hayotda boʻladimi, jamiyatdagi munosabatlardami, oʻqish va ish faoliyatidami – barchasi Konstitutsiya va u asosida yaratilgan qonunlar bilan tartibga solinadi. Bolalikdan har bir inson ongiga singdiriladigan qoidalardagi “mumkin” yoki “mumkin emas” degan soʻzlar ham shu qonunlardan kelib chiqadi. Aynan shu qoidalarni oʻzlashtirish bilan shaxsda huquqiy madaniyat shakllanadi, qonunchilik haqida tushuncha paydo boʻladi.
Xulosa qilib aytganda, Oʻzbekiston Respublikasi Konstitutsiyasida belgilangan norma va printsiplar demokratik huquqiy davlat qurish, inson huquq va erkinliklarini taʼminlashda muhim dasturulamal boʻlib xizmat qilmoqda.
A.Botirov, Amudaryo tumani prokurori katta yordamchisi, 1-darajali huquqshunos.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
