«SALOMATLIK KUNI» TADBIRLARI BOʻLIB OʻTDI
Shu yilning 20-fevralida tuman Tibbiyot birlashmasida keng nishonlangan «Salomatlik kuni» tadbirlari ertalabki badantarbiya mashqlari bilan boshlandi. Ushbu mashgʻulotga 98 nafar tibbiyot xodimlari ishtirok etdilar. Badantarbiya mashqlaridan soʻng «Sogʻliq uchun 5000 qadam» shiori ostida piyoda yurish mashqlarini bajardilar.
«Salomatlik kuni» tadbirlari davomida Tibbiyot xodimlari guruhlarga boʻlinib, tumanimizning ovul va mahallalarida 10 ta joyda «Sogʻlom ovqatlanishning inson salomatligidagi oʻrni», «Sogʻlom ovqatlanish meʼyorlari va qoidalari» kabi mavzularda targʻibot tadbirlarini oʻtkazdilar. Shuningdek, 40 nafar shifokor va hamshira ayol-qizlardan tuzilgan 4 ta jamoalar 30-sonli maktab sport zalida voleybol boʻyicha oʻzaro bellashdilar. Shu kuni tennis, shaxmat-shashka boʻyicha ham musobaqalar boʻlib oʻtdi va ularda 34 nafar ayol-qizlar ishtirok etdilar.
Bellashuv gʻoliblari maʼmuriyat tomonidan ragʻbatlantirildi.
«Salomatlik kuni» davomida Toshyop ovulidagi xonadonlarda fuqarolar ishtirokida qoʻl yuvish tartibi, oshxonani ozoda saqlash, ichimlik suvini toʻgʻri saqlash xususida va xonadonning chiqindi tashlanadigan oʻrasini, hojatxonasini toʻgʻri joylashtirish xususida koʻrgazmali mashgʻulotlar oʻtkazildi.
Salomatlik – har kimning oʻz qoʻlida. Uni asrash, sogʻlom yashash odamning kun davomidagi hamma harakatlariga, har bir harakatiga bogʻliq. Kimki, oʻz hayoti, sogʻligʻi uchun masʼuliyatni sezsa, sogʻlom yashashga intilsa, albatta u bunga erishadi.
Jumaboy Yavqashev, Aholi sogʻlom turmush tarzini qoʻllab-quvvatlash
va jismoniy faolligini oshirish Markazi tuman boʻlimi mudiri.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
