SOFLOM VA MAʼNAN YeTUK AVLOD – YuRT KELAJAGINI YaRATADI

Yangi Oʻzbekistonda sport-sogʻlomlashtirish sohasi siyosat darajasiga koʻtarildi, desak aslo mubolagʻa boʻlmaydi. Ayni davrda yurtimizda sogʻlom turmush tarzi boʻyicha boshlangan ishlar, ommaviy sportni targʻib etish chora-tadbirlari yangi bosqichda rivojlanmoqda.

Prezidentimizning bu boradagi Qaror va Farmonlari ijrosini taʼminlash boʻyicha tuman Turizm va sport boʻlimi tomonidan tegishli idora-tashkilotlar hamkorligida turli xil tadbirlar yoʻlga qoʻyilgan.

Hozirgi kunda tumanda Bolalar-oʻsmirlar sport maktabi va uning Olmazor, Doʻstlik, Chordara mahallalaridagi sport inshootlarida 18 ta sport turi boʻyicha mashgʻulotlar oʻtkaziladi. Shulardan 12 tasi olimpiya sport turlari hisoblanadi. Mavjud 134 ta guruhlardagi 1386 nafar shugʻullanuvchilarga 58 nafar mohir murabbiy-trenerlar sport sirlarini oʻrgatishadi. Maxsus sertifikatga ega ushbu trenerlarning 19 nafari 1-toifali, 29 nafari 2-toifali boʻlib, sport ustaligiga nomzodlar 20 nafarga yetdi.

Oʻtgan oʻquv yilida barcha sport turlaridan 35  ta sport musobaqalari oʻtkazilib, 720 nafar shugʻullanuvchilar qatnashdi hamda Oʻzbekiston chempionati va kuboklarida jami 60 ta, shundan  12 tasi oltin,  31 tasi kumush, 17 tasi bronza medallarni qoʻlga kiritdilar.

Turli musobaqalarda sport inshootlaridan samarali foydalanish, jismoniy tarbiya va sportni rivojlantirishga, harakatli oʻyin turlarini ommalashtirishga hamda jamiyatimizda sogʻlom turmush tarzini targʻib qilishga zamin yaratadi. Ertamiz egalarini sportga qiziqtirish, ularning salohiyati, intilishlarini yuzaga chiqarish va yetarli sharoit yaratish esa bizning eng asosiy vazifamiz.

Gʻ.Kurbanbayev,

tuman Turizm va sport boʻlimi boshligʻi.