Saylov qonunchiligi masalalariga bagʻishlangan matbuot anjumani oʻtkazildi

Mamlakatimizda joriy yil 24-oktyabr sanasida oʻtkaziladigan Oʻzbekiston Respublikasi Prezidenti sayloviga munosib tayyorgarlik koʻrilib, uni demokratik tamoyillarga va xalqaro standartlarga mos tarzda oʻtkazish borasida samarali ishlar olib borilmoqda.

Joylarda ommaviy axborot vositalari vakillari, jurnalist va blogerlar ishtirokida saylov qonunchiligi, Prezident saylovi jarayoniga tayyorgarlik masalalriga bagʻishlangan matbuot anjumanlari, davra suhbatlari, ochiq muloqotlar, turli uchrashuvlar tashkil etilib, bu borada ochiqlik va oshkoralik taʼminlanishiga alohida eʼtibor qaratilmoqda.

19-oktyabr kuni Amudaryo tumani hokimligining maslislar zalida tumanda Oʻzbekiston Respublikasi Preizdenti saylovini oʻtkazish borasida amalga oshirilgan ishlar hamda saylov qonunchiligi masalalariga bagʻishlangan matbuot anjumani oʻtkazildi. Tuman hokimligining Axborot xizmati tashabbusi bilan tashkil etilgan matbuot anjumanida tuman hokimining jamoatchilik bilan ishlash boʻyicha maslahatchisi Hamro Yoʻldashev tumanda Prezident saylovi jarayoniga tayyorgarlik borasida olib borilgan ishlar toʻgʻrisida maʼlumot berdi.

Taʼkidlanishicha, tumanda Oʻzbekiston Respublikasi Prezidenti saylovini munosib oʻtkazish borasida samarali ishlar amalga oshirilib, ayni paytda tumandagi barcha 64 ta saylov uchastkalari saylov jarayoniga tayyor holatga keltirilgan.

Saylov uchastkalari joylashgan hududlardagi saylovchilar roʻyxati shakllantirilib, bu borada uchastka saylov komissiyalari raisi, oʻrinbosari, kotiblari tomonidan tizimli ishlar amalga oshirilmoqda. Uchastka saylov komissiyalari saylovchilar soniga qarab 11-15 nafar aʼzodan iborat tarkibi shakllantirilgan.

1-sektor tarkibidagi 12 ta fuqarolar yigʻinlari hududida 16 ta, 2-sektor tarkibiga kiruvchi 17 ta fuqarolar yigʻinlari hududida 21 ta, 3-sektor hududidagi 12 ta fuqarolar yigʻinlari hududida 18 ta, 4-sektor tarkibidagi 8 ta fuqarolar yigʻini hududida 9 ta saylov uchastkalarida uchastka saylov komissiyalari shakllantirilgan boʻlib, ularning samarali faoliyat olib borishlari uchun barcha shart-sharoitlar yaratilgan.

Shundan soʻng tuman Adliya boʻlimi boshligʻi Moʻminjon Matyusupov Prezident saylovini oʻtkazish boʻyicha qonunchilikda koʻrsatilgan tartib-tamoyillar yuzasidan maʼlumotlar keltirdi.

Qayd etilganidek, tumanda Oʻzbekiston Respublikasi Prezidenti saylovini oʻtkazish borasida tashkil etilgan uchastka saylov komissiyalari raisi, oʻrinbosari va kotiblarining saylov qonunchiligi yuzasidan bilim, koʻnikma va malakalarini yanada oshirish maqsadida hududiy trenerlar tomonidan qator oʻquv-seminarlari tashkil etilgan.

Oʻquv-seminarlar turli koʻrinishda, yaʼni maʼruza, taqdimot, koʻrgazmali tarzda tashkil etilib, ularda yangi qabul qilingan Saylov kodeksi mazmun-mohiyati, Prezident saylovini oʻtkazish borasida amalga oshirilishi lozim boʻlgan ishlar xususida keng turda tushuntirishlar berib borilgan.

Ochiq muloqot qizgʻin tarzda oʻtdi. Muloqot jarayonida masʼullar ommaviy axborot vositalari vakillari tomonidan berilgan savollarga aniq javoblar berdilar.

Tuman hokimligining Axborot xizmati.