TUMAN HOKIMI SULTONBOY YOʻLDAShEV PREZIDENT SAYLOVIDA OʻZI TANLAGAN NOMZODGA OVOZ BERDI
24-oktyabr kuni ertalabki soat 8:00 dan Prezident saylovida ovoz berish boshlandi. Amudaryo tumanida ham Prezident saylovi boʻyicha saylov uchastkalari 8:00 dan ochildi. Birinchi saylovchilar saylov uchastkalari ochilmasidanoq tashrif buyura boshlashdi.
Anʼanaga koʻra, saylov uchastkalari ishi Oʻzbekiston davlat madhiyasi ijrosi bilan boshlandi.
Mangʻit shahrining Doʻstlik mahallasidagi 2-sonli kasb-hunar maktabida tashkil etilgan 91-sonli saylov uchastkasida ham karantin qoidalariga rioya etilgan holda saylov jarayonlari boshlab yuborildi.
Uchastka hududidagi Doʻstlik mahallasida 3653 nafar fuqaro yashaydi. Roʻyxatga 2318 nafar saylovchi kiritilgan. Ulardan 54 nafari saylovda ilk marta ishtirok etayotganlar boʻlsa, 5 nafari keksa yoshdagi va nogironligi boʻlgan fuqarolardir.
Mazkur mahallada yashovchi Amudaryo tumani hokimi Sultonboy Yoʻldashev ham ushbu saylov uchastkasiga oʻz konstitutsiyaviy huquqidan foydalanib, Prezident saylovida ishtirok etish va oʻzi tanlagan nomzodga ovoz berish maqsadida tashrif buyurdi va karantin qoidalariga amal qilgan holda ovoz berdi.
Saylov uchastkasida saylovchilarning tana haroratini oʻlchash, antiseptik suyuqligi, va himoya niqoblari boʻlmaganlarga himoya vositalari berish yoʻlga qoʻyilgan. Shuningdek, tibbiyot kabinetlari, ona va bola xonalari tashkil etilgan. Saylovchilar uchun yashirin ovoz berish xonalaridan tortib, koʻchma ovoz berish qutilarigacha tayyorlab qoʻyilgan.
Ayniqsa, imkoniyati cheklangan, yaʼni nogironlik aravachasidan foydalanuvchi saylovchilar uchun binoga kirish joyida nogironlar aravachasiga moslashtirilgan nishab yoʻlkalari belgilangan talablar asosida oʻrnatilgan. Yashirin ovoz berish kabinalaridan biri ham xuddi shu kabi saylovchilar uchun moʻljallab oʻrnatilgan.
Saylovchilar uchastkada barcha sharoitlar yaratilganidan, oʻz konstitutsiyaviy huquqlarini amalga oshirayotganlaridan nihoyatda mamnun.
Saylov uchastkasida ovoz berish jarayoni davom etmoqda.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
