“SOGʻLOM HAYoT SARI 5000 QADAM”

Mamlakatimizda aholi salomatlini muhofaza  qilish yoʻnalishida tizimli olib borilayotganligi tufayli fuqarolarning sogʻlomlik darajasi va umr koʻrish davomiyligi tobora  oshib bormoqda. Bu bilan bir qatorda yurak-qon tomir va nafas olish yoʻllari kasalliklari ga chalinish ham kun sayin yasharib bormoqda.

Muhtaram Prezidentimizning “Sogʻlom turmush tarzini targʻib etish va ommaviy sportni yanada rivojlantirish chora-tadbirlari toʻgʻrisida”gi Farmoni jismoniy tarbiya va ommaviy sport bilan muntazam shugʻullanish hamda sogʻlom turmush tarzi boʻyicha hayotiy koʻnikmalarni shakllantirish orqali har bir fuqaroda kasalliklarga qarshi kuchli immun tizimi paydo boʻlishini taʼminlash, zararli odatlardan voz kechish, toʻgʻri ovqatlanish tamoyillariga amal qilish, tiklash va reabilitatsiya ishlari hamda ommaviy  jismoniy faollik tadbirlarini tizimli va samarali tashkil qilish vazifasi topshirilgan edi.

Mamlakatimizning barcha hududlarida boʻlgani kabi tumanimizda ham Farmonda belgilangan vazifalarning ijrosini taʼminlash borasida koʻpgina chora-tadbirlar amalga oshirilmoqda. Xususan aholi orasida sogʻlom turmush tarzi keng targʻib etilib, aholini sogʻlom yashash garovi hisoblanmish sport bilan muntazam shugʻullanishga jalb etish, buning uchun zarur sharoitlar yaratish ishlari amalga oshirilmoqda. Taʼlim, maktabgacha taʼlim muassasalari, korxona-tashkilotlar xodimlari, yoshlar oʻrtasida turli sport tadbirlari, musobaqalar oʻtkazishga alohida eʼtibor qaratilmoqda.

Shu yilning 4-dekabrida “Sogʻlom hayot sari 5000 qadam” shiori ostida oʻtkazilgan ommaviy yurish tadbiri ham shu maqsadga qaratilgani bilan ahamiyatlidir.

“Sogʻlom hayot sari 5000 qadam” ommaviy yurish tadbiri Mangʻit shahrining Gurlan koʻchasi boʻylab oʻtkazildi va unda aholining barcha qatlamlaridan ishtirokchilar qamrab olindi.

Tuman hokimligi va tumanimizdagi barcha korxona, tashkilotlar hamkorligida oʻtkazilgan sport tadbiri barcha ishtirokchilarga xushnudlik va zavq bagʻishladi. Tadbir soʻngida  ishtirokchilar ommaviy badantarbiya mashqlarini bajarishdi. Piyoda yurish mashqlarini ishtirokchilar hech qiynalmay ado etishlari aholi orasida  sport bilan shugʻullanish tobora ommaviylashayotganini koʻrsatadi. Shuningdek, fuqarolarning sport bilan shugʻullanishlariga yaratilayotgan sharoitlar, zamonaviy sport maydonchalarining barpo etilayotgani bunda muhim ahamiyat kasb etadi.

Insonning baxtli va osuda turmush kechirishi koʻp jihatdan uning sogʻlomlik darajasiga bogʻlik. Shu boisdan ham mamlakatimizda aholining sogʻlom va tetik yashashi, zararli odatlardan xoli, sogʻlom hayot kechirishiga erishish davlat siyosati darajasiga koʻtarilgani bejiz emas.

Yayov yoʻl yurish koʻpgina xastaliklarning oldini oladi. Xususan, qon bosimi meʼyorlashishi, miya faoliyati yaxshilanishiga xizmat qiladi. Maʼlumki, qon bosimining koʻtarilishi va organizmda xolesterin miqdorining koʻpayishi natijasida yurak xastaliklari vujudga keladi. Bunday bemorlarga shifokorlar eng sodda davo usuli sifatida har kuni maʼlum bir vaqt mobaynida toza havoda sayr qilishni tavsiya etishadi. Shuningdek, piyoda yurish inson miyasi faoliyatini ham yaxshilaydi.

Amalga oshirilayotgan buningdek tadbirlar aholi orasida sportning ommalashishiga taʼsir koʻrsatadi, albatta.

Oygul RAJABOVA.