XALQ DEPUTATLARI TUMAN KENGAShINING 46-SESSIYaSI TOʻGʻRISIDA AXBOROT
9-fevral kuni Xalq deputatlari tuman Kengashining 46-sessiyasi boʻlib oʻtdi. Sessiya majlisida Kengash raisi, tuman hokimi Sultonboy Yoʻldashev, tuman Kengashi deputatlari, sektorlar rahbarlari, tuman hokimi oʻrinbosarlari, hokimlik masʼul xodimlari, sud-huquq sohasi masʼullari, boʻlimlar, tijorat banklari rahbarlari, fuqarolarning oʻzini oʻzi boshqarish organlari raislari hamda ommaviy axborot vositalari xodimlari ishtirok etdi.
Sessiya ishida dastlab tumanni ijtimoiy-iqtisodiy rivojlantirish dasturlarini amalga oshirish, yangi ish oʻrinlari barpo etish, investitsiya loyihalarini amalga oshirish, mahalliy byudjet daromadlarining qoʻshimcha manbalarini shakllantirish, soliqlar va boshqa majburiy toʻlovlar boʻyicha amalga oshirilayotgan ishlar toʻgʻrisida tuman hokimining investitsiya masalalari boʻyicha oʻrinbosari Rashid Salayevning hisoboti tinglandi.
Hisobotda tumanni ijtimoiy iqtisodiy-rivojlantirish boʻyicha 2021-yilda mumiy qiymati 58,1 mlrd. soʻmlik 35 ta loyihalar ishga tushirilganligi va 1 ming 904 ta yangi ish oʻrinlari yaratilganligini maʼlum qilindi. Shuningdek, yangidan ishga tushirilgan loyihalar haqida keng turda maʼlumot berib oʻtildi.
Shundan soʻng deputatlar tuman davlat soliq inspektsiyasi boshligʻi Aydos Seitovning hisobotini tingladilar. Hisobotda DSI boshligʻi tumanni ijtimoiy-iqtisodiy rivojlantirish dasturlarini amalga oshirish, soliqlar va boshqa majburiy toʻlovlarni yigʻish va mahalliy byudjetga tushumlarni oshirish boʻyicha qilinayotgan ishlarga batafsil toʻxtalib oʻtdi.
Sessiya 2021-yil davomida jinoyatchilik va qonuniylikning ahvoli hamda bu borada tuman prokuraturasi tomonidan amalga oshirilgan ishlar yuzasidan tuman prokurori Javlonbek Muftullayevning axboroti tinglandi.
Axborota qayd etilganidek, tumanda amalga oshirilayotgan ishlarda asosiy eʼtibor muhtaram Prezidentimiz tomonidan prokuratura organlariga asosiy vazifa sifatida yuklatilgan jinoyatchilikning oldini olish, tadbirkorlikni qoʻllab-quvvatlash, sektorlar faoliyati, aholining turmush darajasini yaxshilash, ulardagi mavjud muammolarni oʻrganish, “Obod qishloq” va “Obod mahalla” hamda “Har bir oila tadbirkor” kabi Davlat dasturlarning ijrosini nazorat qilishga qaratilgan.
Shuningdek sessiya ishida tuman Ichki ishlar boʻlimi boshligʻi Ulugʻbek Xudayberganovning tumanda jinoyatchilik va huquqbuzarliklarning oldini olish hamda ularning profilaktikasini tashkil etish boʻyicha 2021-yilda amalga oshirilgan ishlar yuzasidan hisoboti tinglandi. Hisobotda tumandagi barcha hududlar boʻylab aniqlangan jinoyatlar, jinoyatchilikning oldini olishga qaratilgan profilaktik tadbirlar haqida keng turda maʼlumotlar berib oʻtildi.
Shundan soʻng sessiyada tuman Xalq qabulxonasi mudiri Erkin Rajabov mahallalarda tadbirkorlikni rivojlantirish, aholi bandligini taʼminlash va kambagʻallikni qisqartirish boʻyicha kelib tushayotgan murojaatlarni tahlil qilgan holda, hokim yordamchilari faoliyatining natijadorligini oʻrganish toʻgʻrisida axborot berdi. Tuman Xalq qabulxonasi mudiri deputatlarga 2022-yil yanvar oyida fuqarolar tomonidan kelib tushgan murojaatlar boʻyicha, mahalladagi ishsiz aholini ish bilan taʼminlash va kredit ajratilishida hokim yordamchilari tomonidan amalga oshirilayotgan ishlar xususida maʼlumot berdi.
Shuningdek sessiyada Amudaryo tumanida 2021-yilda ekologiya va atrof-muhitni muhofaza qilish sohasida amalga oshirilgan ishlar yuzasidan Qoraqalpogʻiston Respublikasi ekologiya va atrof-muhitni muhofaza qilish qoʻmitasining Amudaryo tumani inspektsiyasi rahbariyatining hisoboti ham tinglandi. Inspektsiya boshligʻining oʻrinbosari Gʻ.Iskandarov kun tartibidagi masala boʻyicha batafsil maʼlumotlar berib oʻtdi.
Bundan tashqari sessiya ishida Amudaryo tumani Xalq taʼlimi boʻlimiga qarashli 35-sonli maktabda direktorlik lavozimiga oʻtkazilgan tanlov yakunlari boʻyicha nomzodga kelishim berish toʻgʻrisidagi masala ham koʻrib chiqildi. Nomzod Baxram Palvanov kelgusi 3-yilda maktabda taʼlim sifatini oshirishga qaratilgan dasturini deputatlar eʼtiboriga havola qildi. Shundan soʻng ochiq ovoz berish yoʻli bilan nomzodga kelishim berish masalasi muhokamaga qoʻyildi.
Sessiya ishida Kengash vakolatiga kiruvchi boshqa masalalar ham muhokama qilinib, barcha masalalar yuzasidan tegishli qarorlar qabul qilindi. Shuning bilan sessiya oʻz ishini yakunladi.
Tuman hokimligining axborot xizmati
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
