QORAQALPOGʻISTON RESPUBLIKASI KONSTITUTsIYaSIGA 29-YIL TOʻLDI
Bu yil Qoraqalpogʻiston Respublikasi Konstitutsiyasi qabul qilinganining 29-yilligi nishonlanmoqda.
Maʼlumki, 1993-yil 9-aprelda Qoraqalpogʻiston Respublikasi Oliy Kengashining oʻn ikkinchi chaqiriq oʻn ikkinchi sessiyasida Qoraqalpogʻiston Respublikasining Konstitutsiyasi qabul qilingandi. Shu davr mobaynida mazkur hujjatda aks etgan huquqlarimiz asosida xalqimiz koʻp yutuqlarga erishdi.
Joriy 2022-yil mamlakatimizda “Inson qadrini ulugʻlash va faol mahalla yili” deb belgilandi. Shu yilning 28-yanvar kuni Prezidentimizning 60-sonli Farmoni bilan «Inson qadri uchun» tamoyili asosida Yangi Oʻzbekistonning 2022-2026-yillarga moʻljallangan rivojlanish strategiyasi va uni mazkur yilda amalga oshirish boʻyicha davlat tamoyillari tasdiqlandı. Strategiya asosida hamma sohalarda, shuning ichida xalqning ijtimoiy yordamga muxtoj toifasini qoʻllab-quvvatlash, xotin-qizlarimizning jamiyatdagi rolini yanada oshirish, mahalla institutini rivojlantirish, davlat organlarining xalqimiz oldidagi javobgarligini oshirish kabi bir qator vazifalar belgilanib, ijrosi taʼminlanmoqda.
Farmon bilan, 1-aprel kunidan eʼtiboran Qoraqalpogʻiston Respublikasi va Xorazm viloyatida 1-4-sinf oʻquvchilari Davlat byudjeti mablagʻlari hisobidan bepul ovqat (ertalabgi nonushta va tushlik ) bilan taʼminlash tartibining joriy etilishida Qoraqalpogʻiston aholisiga berilgan eʼtiborning yana bir amaliy misoli boʻldi.
Yoshlar siyosati, xotin-qizlarining huquqlarini himoya qilish, oliy oʻquv yurtlariga qamrab olish darajasini oshirish, yoshlarning bandligini taʼminlash yoʻnalishida ham bir qator qonunchilik hujjatlari qabul qilindi. Yana bir misol, Prezidentimizning yaqinda qabul qilgan 87-sonli Farmoni ham xotin-qizlarimizning katta quvonchiga sabab boʻldi. Farmon bilan 2022-2023 oʻquv yilidan boshlab, oliy taʼlim taʼlim muassasalarida, texnikum va kollejlarda, sirtqi va kechki taʼlim yoʻnalishlarida taʼlim olib kelayotgan xotin-qizlarning kontraktlarini toʻlov uchun 7-yilga foizsiz kredit, magistraturada oʻqib tahsil olayotgan qizlarning kontrakt toʻlovlari davlat byudjetidan qoplab beriladigan boʻldi. Davlat boshqaruvi akademiyasida rahbar xotin-qizlarni tayyorlash boʻyicha alohida oʻquv kurslari tashkil etish belgilandi.
Xulosa oʻrnida shuni taʼkidlashimiz zarurki, Qoraqalpogʻiston Respublikasining Konstitutsiyasi 46-moddasida belgilanganidek, fuqarolar Konstitutsiya va qonunlarga rioya etishga, boshqa kishilarning huquqlari, erkinliklari, shaʼni va qadr-qimmatini hurmat qilishga majburdirlar. Shunday ekan, yoshlarimizni har xil yot illatlardan himoya qilishimiz, ularni qonunlarni hurmat etish va unga rioya etishga oʻrgatishimiz zarur. Yoshlarimizni yurtimizda yaratilgan keng imkoniyatlardan samarali foydalanishga chorlash bilan ularni halol mehnatga, oilani qadrlashga oʻrgatib, oʻz navbatida kuchli davlat barpo etishga munosib qilib tarbiyalashga masʼulmiz.
Fursatdan foydalanib, Amudaryo tumani Adliya boʻlimi xodimlari barcha yurtdoshlarimizni Qoraqalpogʻiston Respublikasi Konstitutsiyasining 29-yilligi bayrami bilan tabriklab, yurtimiz tinch, osmonimiz musaffo boʻlishini tilab qoladi.
M.Matyusupov, tuman Adliya boʻlimi boshligʻi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
