BEZGAKNI PAShShALAR TARQATADI
Bezgak – oʻtkir yuqumli kasallik boʻlib, anafeles, yani bezgak pashshalari orqali yuqadi. Shu yil fevral oyida Samarqand shahrida «Silk Rood» Samarqand korxonasi menedjeri 60 yoshdan oshgan Germaniya fuqarosi Noll Tomas Stefanda chetdan keltirilgan bezgak kasalligi aniqlandi. Unga Toshkent shahridagi shifoxonada davo choralari koʻrilib, tuzalib ketdi.
Bezgak paraziti inson qonida yashab, koʻpayadi. Qon tanachalarida joylashib, ularni parchalaydi hamda qon ishlab chiqarish, asab, yurak-qon tomir va organizmning boshqa tizimlarini ishdan chiqaradi. Baʼzan kasallik shunchalik ogʻir kechadiki, agar davolash oʻz vaqtida boshlanmasa, bemor bir necha kundan soʻng vafot etadi. Harorat koʻtarilganda yoki bezgakning boshqa belgilari namoyon boʻlganda, albatta, shifokorga murojaat qilish kerak. Kasallik sogʻlom odamga pashsha chaqqanda, yaʼni kasal odamni chaqqan pashsha soʻlagi orqali qoʻzgʻatuvchilar sogʻlom odam organizmiga tushganda yuqadi.
Kasallik toʻsatdan boshlanadi: bemor sovuq qotganday qaltiraydi. Soʻngra harorati tez pasayib, baʼzan bir maromga tushib, qattiq terlaydi. Ertasiga esa oʻzini sogʻlom his qiladi. Keyin kun davomida isitma koʻtarilib turadi. Bemorda kasallik oʻz vaqtida aniqlanib, toʻgʻri davolansa sogʻligʻiga putur yetmaydi.
Kasallikning oldini olish uchun uni imkon boricha erta aniqlash va davolash kerak. Bezgak pashshasi, yaʼni anafeles koʻp uchraydigan joylarda odam himoya kiyim-boshi bilan boʻlishi kerak. Shuningdek, pashshaga qarshi dorilardan ishlatib, kechasi uxlaganda pashshaxonalardan foydalanishni tavsiya etamiz.
T.Atamuradov, tuman SEO va JSB parazitologiya boʻlimi mudiri.
A.Allayarov, entomolog-shifokor.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
