Abituriyentlarga Davlat xizmatlari markazida xizmatlar koʻrsatilmoqda

Qoraqalpogʻiston Respublikasi Adliya vazirligi, Qoraqalpogʻiston Respublikasi Ichki ishlar vazirligi, Milliy gvardiyaning Qoraqalpogʻiton Respublikasi boshqarmasi, Sogʻliqni saqlash vazirligi, Axborot texnologiyalari va kommunikatsiyalarini rivojlantirish vazirligi boshqarmasining “2022 -2023 oʻquv yili uchun Oliy taʼlim muassasalariga abituriyentlarning hujjatlarini onlayn qabul qilishni tashkil etish chora-tadbirlari toʻgʻrisida”gi qoʻshma qarori imzolandi.

 Qaror ijrosini taʼminlash maqsadida Amudaryo tumani Adliya boʻlimi Davlat xizmatlari markazida abituriyenlarning hujjatlarini onlayn topshirish jarayonlari tashkil qilindi.

Abituriyentlarning hujjat topshirishlariga yaqindan yordam berish maqsadida, Amudaryo tumaniga Berdaq nomidagi Qoraqalpoq davlat universitetining oʻqituvchilari masʼul qilib biriktirilgan boʻlib, ular tomonidan abuturiyentlarga Oliy taʼlim muassasalaridagi qabul kvotalari haqida batafsil maʼlumotlar berilmoqda.

Aytish kerakki, bugungi kunda Amudaryo tumanidagi 2 ming 582 nafar bitiruvchilar umumiy oʻrta taʼlim maktablarining 11-sinfini bitkazib, Oliy taʼlim muassasalarida oʻqish uchun hujjatlar topshirmoqda.

Shu oʻrinda taʼkidlash lozimki, barcha test topshiruvchilar uchun majburiy hisoblangan 3 ta fan – ona tili, matematika, Oʻzbekiston tarixi fanlaridan toʻplash mumkin boʻlgan maksimal 33 ballning joriy qilinishi abuturiyentlarning oʻz ona tili, matematika fani hamda Vatanimiz tarixi haqida chuqur bilimga ega boʻlishlariga zamin yaratmoqda.

Darhaqiqat, talaba qaysi kasbni tanlashidan qatʼiy nazar oʻz mutaxassiclik fanlaridan tashqari mazkur fanlarni chuqur bilmogʻi lozim.

Maʼlumot oʻrnida aytish kerakki, test sinovlari tashkil etilayotgan yilda taʼlim muassasalarini tugatgan abuturiyentlar, nogironligi boʻlgan, toʻliq davlat taʼminotidagi va ijtimoiy himoya yagona reyestri axborot tizimida roʻyxatga olingan shaxslar, “Yoshlar daftari”ga kiritilgan, shuningdek, imtiyoz asosida talabalikka tavsiya etilgan yoshlar test sinovlari uchun toʻlovni amalga oshirmaydi.

Bugungi kunda yurtimizda taʼlim tizimida abituriyent va talabalar uchun koʻplab yangiliklar joriy qilinmoqda. Bakalavriat bosqichiga kontrakt asosida oʻqishga qabul qilingan ayol-qizlarga 7-yil muddatga foizsiz kreditlar ajratilishi, qolaversa, magistratrurada taʼlim olayotgan qizlarning kontrakt pullari davlat tomonidan toʻliq qoplab berilishi ayol-qizlar uchun muhim ijobiy yangilik boʻldi.

Oʻz navbatida yurtimizning turli hududlarida joylashgan har bir oliy taʼlim muassasasida ham yoshlarning taʼlim olishlari uchun barcha shart-sharoitlar yaratilgan. Talabalar zamonaviy texnologiyalar va interfaol usullar yordamida milliy taʼlim tizimiga tadbiq etilgan ilgʻor uslublar asosida taʼlim va tarbiya olmoqdalar.

Yoshlardan esa mavjud imkoniyat va sharoitlar toʻlaqonli foydalanib, qunt bilan bilim olish talab etiladi. Zero, yoshlar ertangi kun umidlari, kelajagi porloq Vatanimizning egalaridir.

Tuman hokimligining Axborot xizmati.