MAKTABGAChA TAʼLIM BOʻLIMIDA ANʼANAVIY AVGUST KONFERENTsIYaSI BOʻLIB OʻTDI
Amudaryo tumani Maktabgacha taʼlim boʻlimida 2022-2023 oʻquv yili boshlanishi oldidan anʼanaviy avgust konferentsiyasi oʻtkazildi.
22-avgust kuni “Maktabgacha taʼlim sifati: hozirgi holat va kelajakdagi vazifalar” mavzusida boʻlib oʻtgan konferentsiyada tuman Maktabgacha taʼlim boʻlimi masʼullari, hududdagi davlat va nodavlat maktabgacha taʼlim tashkilotlari rahbarlari, tarbiyachi-pedagoglar va boshqalar ishtirok etishdi.
Oʻzbekiston Respublikasi Maktabgacha taʼlim vazirligining shu yil 3-avgustdagi “Maktabgacha taʼlim sifati: hozirgi holati va kelajakdagi vazifalari” nomli dasturiy avgust konferentsiyasini oʻtkazish haqida”gi boʻyrugʻi va Qoraqalpogʻiston Respublikasi Maktabgacha taʼlim vazirligining tegishli topshirigʻi ijrosini taʼminlash maqsadida oʻtkazilgan mazkur konferentsiya kun tartibiga dastlab “Maktabgacha taʼlim tashkilotlarida davlat tilida ish yuritish va maʼnaviy-maʼrifiy ishlarni tashkillashtirish” masalasi qoʻyildi.
Kun tartibidagi ushbu masala yuzasidan 40-sonli davlat maktabgacha taʼlim tashkiloti direktori Sharifa Seytova soʻzga chiqib, maʼruza qildi. U mamlakatimizda davlat tili hisoblangan oʻzbek tili tarixi haqida keng toʻxtalib, mustaqillikdan soʻng, qonunan mustahkamlangani, unga boʻlgan munosabat xususida soʻz yuritdi. Davlat tilining siyosiy, ijtimoiy va madaniy sohalarda maʼlum bir davlatda integratsiya vazifasini amalga oshirishini, shuningdek har bir davlatning ramzi sanalishini eʼtirof etib oʻtdi. Shuningdek, kichkintoylarni oʻz tilimizga hurmat ruhida tarbiyalash, toʻgʻri yozish va oʻqishni oʻrgatishga alohida eʼtibor qaratish lozimligini taʼkidladi.
Shundan soʻng anjuman kun tartibiga qoʻyilgan pedagog kadrlar tarkibining sifati va ularni kasbiy rivojlantirishga doir masalalar yuzasidan tuman Maktabgacha taʼlim boʻlimi, Taʼlim-tarbiya sifatini taʼminlash va metodik xizmatni tashkil etish shoʻʼbasi mudiri Nafisa Oʻrazmetovaning maʼruzasi tinglandi.
Konferentsiya davomida “Maktabgacha taʼlim tashkilotlarida oʻquv-metodik va didaktik materiallardan samarali foydalanish” mavzusida 1-sonli davlat maktabgacha taʼlim tashkiloti direktori Shoira Rajabova, “Ilk qadam” davlat oʻquv dasturi takomillashtirilgan variantining mazmuni” mavzusida 5-sonli davlat maktabgacha taʼlim tashkiloti metodisti Gulchehra Yoʻldosheva, “Maktabgacha taʼlim tashkilotlarida amaliyotchi psixologlar ishlarinining samaradorligini oshirish” mavzusida 43-sonli davlat maktabgacha taʼlim tashkiloti metodisti Nargiza Tajimurodova hamda “Ilm yoʻli” variativ dasturi va unga kirgizilgan yangiliklar” mavzusida 2-sonli davlat maktabgacha taʼlim tashkiloti metodisti Salomat Toʻrayevalarning maʼruzalari tinglandi.
Anʼanaviy avgust konferentsiyasida ishtirok etgan Qoraqalpogʻiston Respublikasi Maktabgacha taʼlim vazirligining Maktabgacha taʼlim tashkilotlarida sogʻlom ovqatlanishni taʼminlash boʻlimi mudiri Nurjamal Qurbonova ham soʻzga chiqib, Oʻzbekiston Respublikasining 2019-yil 14-dekabrdagi “Maktabgacha taʼlim va tarbiya toʻgʻrisida”gi qonuni mazmun-mohiyatini tushuntirib oʻtdi.
Shuningdek, sogʻlom va toʻgʻri ovqatlanish tartibi, mazkur tartibni maktabgacha taʼlim tashkilotlarida muntazam ravishda amal qilinishini taʼminlash kabi masalalar boʻyicha ham batafsil maʼlumotlar berildi.
Konferentsiyada joriy yil davomidagi taʼlim-tarbiya borasidagi amalga oshirilish lozim boʻlgan vazifalar ham tahlil qilindi va muhim topshiriqlar belgilab olindi.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
