Durunki mahallasida 3-sektor rahbari, tuman IIB boshligʻining sayyor qabuli boʻlib oʻtdi

Aholi bilan doimiy muloqot qilish, fuqarolarni qiynayotgan muammolarni hal etishning samarali mexanizmi va usullari joriy etilgani mamlakatimizda amalga oshirilayotgan islohotlarning ustuvor yoʻnalishiga aylandi. Odamlarning dardini eshitish, ogʻirini yengil qilish yurtdoshlarimizning adolatga, davlatga boʻlgan ishonchini mustahkamlashga xizmat qilayotir.

Xususan, sektorlar rahbarlari va mutasaddi idora, tashkilot vakillari tomonidan murojaatlarni joyiga chiqqan holda, sayyor qabullar orqali tinglash amaliyoti keng yoʻlga qoʻyilganligi xalqimizning davlat idoralariga nisbatan ishonchinining yanada ortishiga sabab boʻlmoqda.

Yaqinda Amudaryo tumanining Durunki mahalla fuqarolar yigʻinida navbatdagi sayyor qabul boʻlib oʻtdi.

Unda 3-sektor rahbari, tuman Ichki ishlar boʻlimi boshligʻi, Jamaladdin Yusupov, tuman Xalq qabulxonasi boʻlimi mudiri Erkin Rajabov, tegishli tashkilot masʼullari hamda ovul hududida istiqomat qiluvchi 26 nafar fuqaro ishtirok etishdi.

Aholi bilan muloqot jarayonida fuqarolardan ichki ishlar organlariga hamda rasmiy saytlarga kelib tushayotgan savollar va murojaatlar tahlili orqali bugungi kundagi dolzarb mavzular aniqlab olindi.

Sayyor qabulda dastlab tuman Ichki ishlar boʻlimi boshligʻi Jamaladdin Yusupov mahallalarda faoliyat olib borayotgan mahalla raisi, hokim yordamchisi, yoshlar yetakchisi, xotin-qizlar faoli aholi muammolari bilan ishlashda “xonadonbay” va “mahallabay” ishlashlari lozimligi har bir fuqaro bilan yakka tartibda muloqot qilib, ularning muammo va takliflarini oʻrganish, hal qilinish zarurligini, mushkul boʻlgan murojaatlarni sektor rahbari bilan birgalikda hal etish choralari koʻrilishini maʼlum qildi.

Shuningdek, voyaga yetmaganlar oʻrtasida jinoyatchilik va huquqbuzarlikning oldini olish, tarbiyasi ogʻir yoshlar bilan ishlashish boʻyicha oʻz tavsiyalarini berib oʻtdi.

Tuman Xalq qabulxonasi mudiri Erkin Rajapov esa murojaatlar hech qachon eʼtibordan chetda qolmasligini, iloji boricha ijobiy yechim topishini taʼkidladi.

Shuningdek, yoshlar uchun, umumun tumanimizda istiqomat qilayotgan har bir fuqaro uchun, tuman Xalq qabulxonasi eshiklari doimo ochiqligi, har bir fuqaro oʻz muammolari bilan bemalol murojaat qilishlari mumkinligini aytib oʻtdi.

Sayyor qabul davomida fuqarolar tomonidan turli mazmundagi 11 ta murojaat kelib tushdi.

Kelib tushgan har bir murojaat atroflicha oʻrganilib, tegishli sohaviy tashkilot rahbarlariga yoʻnaltirildi hamda oʻz vaqtida, adolatli va xolis koʻrib chiqish yuzasidan aniq topshiriqlar berildi.

Bunday uchrashuvlarning oʻtkazilishi aholining turmush farovonligini yanada yaxshilash, eng muhimi muammolarni ijobiy hal etish orqali xalqni rozi qilish uchun xizmat qilishi bilan alohida ahamiyat kasb etadi.

Tuman hokimligining Axborot xizmati.