BOShLANGʻICh TAʼLIM FAN OYLIGI DOIRASIDA TADBIR OʻTKAZILDI

Maktab ostonasiga olamcha hayajon, biroz tortinish, biroz hadik bilan ilk qadam qoʻygan bolajonlarning kelajakda qanday insonlar boʻlib voyaga yetishi – unga ushbu muassasada boshlangʻich taʼlim bergan ustozlarning mahorati, jonkuyarligiga koʻp jihatdan bogʻliq. Chunki boshlangʻich taʼlimda barcha fanlarni oʻrganish uchun mustahkam poydevor qoʻyiladi.

Shu maʼnoda olib qaraydigan boʻlsak, boshlangʻich taʼlim oʻqituvchilari zimmasidagi kasb masʼuliyati juda salmoqli va ayni paytda sharaflidir.

Oʻzbekiston Respublikasi Xalq taʼlimi vazirligining tegishli buyrugʻiga asosan umumiy oʻrta taʼlim maktablarida har yili sentyabr oyida boshlangʻich taʼlim fan oyligini oʻtkazishdan koʻzlangan maqsad ham oʻquvchilarga sifatli taʼlim berishning yangi shakllarini yaratish, iqtidorli oʻquvchilarni aniqlash, ularga koʻmaklashish, boshlangʻich davrdan savodxonlik koʻnikmalarini rivojlantirish, ijodkor va tashabbuskor oʻqituvchilar tajribasini targʻib yetishga qaratilgandir.

Amudaryo tumanimizdagi 1-sonli umumiy oʻrta taʼlim maktabining 22-yillik tajribaga, bolalarga boshlangʻich taʼlim berishda ulkan mahorat va koʻnikmaga yega oʻqituvchisi Sanamjon Niyozimbetova sentyabr – boshlangʻich taʼlim fan oyligi doirasida oʻzi taʼlim berayotgan 2-sinf oʻquvchilari bilan bir qancha tadbirlar oʻtkazdi. 24-sentyabr kuni sinf oʻquvchilari bilan oʻtkazilgan adabiy kechada ularning iqtidori sinovdan oʻtkazildi, dars mashgʻulotlarini qay darajada oʻzlashtirayotganliklari yaqqol ayon boʻldi.

Maktabning boshlangʻich taʼlim oʻqituvchilari Rayhon Chorshamova, Aqljon Allayorova, Tamara Jumanova Yulduz Ashirova, Nazokat Baxtiyorova, Shohida Sobirova, Umida Boltaboyeva, Sanamjon Niyozimbetovalar hamkorlikda oylik doirasida “Men buyuk yurt farzandiman” nomli rasmlar tanlovi oʻtkazishdi. Bu orqali oʻquvchilarning oʻz ona Vatani haqida tasavvurlarini buyoqlarda qay darajada aks yettira olish mahorati aniqlandi.

“Ozod va obod, mustaqil diyorimni kuylayman” qoʻshiqlar tanlovi, ijodkorlik qobiliyatini sinash maqsadida oʻtkazilgan “Mening qoʻllarim - moʻʼjizakor” tanlovida oʻquvchilar faol qatnashib, oʻz qobiliyat va qiziqishlarini sinovdan oʻtkazdilar. Albatta, qobiliyatsiz bolaning oʻzi boʻlmaydi. Murgʻak koʻngillardagi qobiliyatni aniqlashda yesa boshlangʻich taʼlimdagi ana shunday tanlovlar, musobaqalar muhim rol oʻynaydi.

Tadbirlarda maktab boshlangʻich taʼlim oʻqituvchilari bularga alohida yeʼtibor qaratdilar hamda “Oʻyla, izla, top” savol-javoblari, “Matematika bilimdoni”, “Kimning xati chiroyli” musobaqalari orqali oʻquvchilarning dars mashgʻulotlarida olgan bilimlarini aniqladilar.

Oʻquvchilar har bir tanlovda oʻzlarining bilimdon, zukko yekanligini koʻrsatishga astoydil harakat qildilar. Yeng faol ishtirok yetgan, bilimdonligini, iqtidorini koʻrsata olgan oʻquvchilarni fan oyligi yakuniga bagʻishlangan tadbirda ragʻbatlantirish koʻzda tutilgan.

Fan oyligi doirasida oʻtkazilayotgan tadbirlarning barchasi boshlangʻich sinflar oʻquvchilari faolligining oshishiga, ilm olishga intilishini ragʻbatlantirishga xizmat qilayotgani bilan ahamiyatlidir.

Oygul RAJABOVA.