AMALIYoTChI PSIXOLOGLAR UChUN AMALIY SEMINAR OʻTKAZILDI
Keyingi yillarda mamlakatimizda xotin-qizlar huquqlarini himoya qilish, munosib hayot kechirishini taʼminlash, qizlarning sogʻlom, ilmli, intellektual salohiyatli boʻlib kamolga yetishini taʼminlash borasida izchil chora-tadbirlar amalga oshirmoqda.
Ushbu mexanizmning samaradorligini oshirish maqsadida Oʻzbekiston Respublikasining “Xotin-qizlarni tazyiq va zoʻravonlikdan himoya qilish toʻgʻrisida”gi Qonuni qabul qilindi. Qonun xotin-qizlarni turmushda, ish joylarida, taʼlim muassasalarida hamda boshqa joylarda tazyiqlar va zoʻravonlikning barcha shakllarida himoya qilishga xizmat qiladi.
Shuningdek, sohadagi munosabatlarni tartibga solishni, tazyiqlar, zoʻravonliklardan jabrlanganlarni huquqiy va ijtimoiy himoya qilish kafolatlarini taʼminlashni ham oʻz ichiga olgan. Sohaga doir boshqada koʻpgina meʼyoriy hujjatlarda ayol-qizlarning yashash, ishlash, taʼlim olish, farovon turmush kechirishini taʼminlash koʻzda tutilgan.
Xoʻsh, aholi bulardan toʻla xabardormi?
Shu masalada hamda xotin-qizlarning huquqiy savodxonligini oshirish maqsadida 5-oktyabr kuni Amudaryo tumanidagi 16-sonli maktabda “Xotin-qizlar oʻrtasida gender zoʻravonlikning oldini olish” mavzusida amaliy seminar oʻtkazildi.
Tadbirda tuman Xalq taʼlimi boʻlimi metodist psixologlari Tatyana Pirlepesova, Nurbek Seytboyev, shuningdek tumanimizning 49 ta ovul va mahallalariga biriktirilgan amaliyotchi psixologlar ishtirok etdilar.
Seminarda trener psixologlar – 3-sonli maktabning amaliyotchi-psixologi Almagul Bekmurodova, 58-sonli maktab amaliyotchi psixologi Simbat Pirnazarovalar gender zoʻravonlikning oʻzi nima ekanligi , uning ijtimoiy xavfi xususida maʼruza qildilar.
Shuningdek, gender zoʻravonlikni boshidan kechirgan jabrlanuvchiga yordam berish, ularga koʻrsatiladigan xizmatlar maxfiyligi kafolatini taʼminlash, xotin-qizlarning jamiyatda oʻz oʻrnini topishida ularga psixologik yordam koʻrsatish usullari trening mashgʻulotlari va oʻyinlar orqali ifodalab tushuntirildi.
Gender zoʻravonlikka uchragan jabrlanuvchidagi kuzatiladigan psixologok holatlar, xususan umidsizlik, gʻazab, chorasizlikdan siqilish, holsizlik, doimiy xavfdan qoʻrquv, oʻzini yolgʻiz his etish, oʻziga nisbatan ishonchsizlik kabi holatdagi ayol-qizlar bilan suhbatlar olib borish yoʻl-yoʻriqlari xususida koʻrsatmalar berildi.
Tadbir tumanimiz ovul va mahallalarida faoliyat yuritayotgan amaliyotchi psixologlarga oʻz hududlaridagi gender zoʻravonlikka uchragan ayol-qizlarning psixologik holatini chuqur his etish, ularning shaxsini oʻrganish, suhbat oʻtkazish davomida jabrlanuvchi bilan qanday munosabatda boʻlish koʻnikmalariga ega boʻlishiga yordam berdi.
Tadbirda ishtirokchilarni qiziqtirgan masalalar, savollar yuzasidan batafsil maʼlumotlar berildi.
Oygul RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
