Bugun tumanning 6 ta hududida yangi sport maydonchalari foydalanishga topshirildi
Maʼlumki, muhtaram Prezidentimizning tashabbusi bilan yoshlarning boʻsh vaqtini mazmunli oʻtkazish hamda sogʻlom turmush tarzini targʻib qilish, yoshlarning ijtimoiy faolligini oshirish maqsadida besh bosqichli “Besh tashabbus olimpiadasi” tashkil etilgan edi. Mazkur olimpiadaning birinchi mavsumi 30-apreldan boshlab 1iyun kuniga qadar davom etdi. Unda Amudaryo tumani yoshlari ham faol ishtirok etib, faxrli oʻrinlarni egalladilar.
Olimpiadaning Respublika bosqichi gʻoliblari qimmatbaho sovgʻalar bilan birgalikda oʻz mahallalari hududiga sport maydonchasi qurib berilishi uchun maxsus sertifikatlarni qoʻlga kiritishdi.
Amudaryo tumanida ham olimpiadaning 1-mavsumida bir guruh yoshlar Oʻzbekiston Respublikasi bosqichida gʻolib boʻlib, oʻz mahallalariga sport maydonchasi qurib berilishi uchun maxsus sertifikatlarni qoʻlga kiritishgan edi.
Qisqa fursatlarda mazkur sport maydonchalari toʻliq qurib bitkazildi. 24-dekabr kuni tumanning 6 ta hududidagi mazkur sport maydonchalarining ochilish marosimi boʻlib oʻtdi. Unda tuman hokimi Sultonboy Yoʻldashev, sektorlar rahbarlari, hokim oʻrinbosarlari olimpiadaning tuman boskichi gʻoliblari, yoshlar yetakchilari va tumanning faol yoshlari ishtirok etishdi.
Xitoy ovuli hududidagi sport maydonchasining tantanali oʻtgan ochilish marosimida tuman hokimi Sultonboy Yoʻldashev mazkur olimpiadaning 1-mavsumida tashkil etilgan maʼnaviy va marifiy hamda sport tadbirlarida tumanimizdan jami 28 ming 898 nafar yoshlar faol ishtirok etishganini, shulardan 41 nafari Qoraqalpogʻiston Respublikasi bosqichida gʻoliblikni qoʻlga kiritib, Oʻzbekiston Respublikasi bosqichida ham faol ishtirok qilishganini mamnuniyat bilan eʼtirof etib oʻtdi.
Sanobar Sharifboyeva Andijon viloyatida oʻtkazilgan musobaqada sportning shashka turi boʻyicha faol qatnashib, mahallasiga mana shunday zamonaviy tipdagi sport maydonchasining qurilishi uchun sertifikatni qoʻlga kiritdi. Sanobarning sportdagi yutugʻi tufayli bugun Xitoy ovuli hududida koʻrkam sport maydonchasi bunyod etildi. Endilikda mazkur maydonchada sport bilan shugʻulangan ovul yoshlari orasidan ham yanada koʻplagan sportchilar yetishib chiqishi shubhasiz.
Shu kuni Zahriddin Muhammad Bobur nomli ovulda joylashgan sport maydonchasining ham ochilish marosimi boʻlib oʻtdi.
Tadbirda tuman hokimi Sultonboy Yoʻldashev ovul hududiga sport maydonchasi qurib berilishiga sababchi boʻlgan mahallaning faol yoshlaridan biri Umida Ibragimovaning Street Workout boʻyicha muvaffaqiyatli qatnashib, gʻolib boʻlganligini, endilikda mahalladagi har bir oʻsmir ushbu sport maydonchasida jismoniy salohiyatini oshirish imkoniyatiga ega boʻlganligini aytib oʻtdi.
Tadbirda soʻzga chiqqanlar “Besh tashabbus olimpiadasi” koʻplab isteʼdodli yoshlarni kashf etayotganligini, davlatimiz tomonidan yoshlarga qaratilayotgan eʼtibor natijasida ular katta muvaffaqiyatlarga erishayotganliklarini taʼkidlab oʻtishdi.
Toʻlqin ovuli hududidagi sport maydonchasining ochilish marosimida tuman hokimi oʻrinbosarlari, fuqarolar yigʻini masʼullari va ovul yoshlari ishtirok etishdi.
Ochilish marosimida soʻzga chiqqanlar olimpiadaning 1-mavsumi yakunlariga koʻra Respublika bosqichida gʻolib boʻlgan 6 nafar yoshlarning mahallalariga sport komplekslari qurib berilganini, 2-mavsumda ham tumandan 3 nafar yoshlar 1-oʻrinni, 3 nafar yoshlar 3-oʻrinni egallaganligini, 2023-yilda ularning ham mahallalariga sport maydonchalari qurib berilishini mamnuniyat bilan maʼlum qilishdi.
Mahallalarda barpo etilgan sport maydonchalari yoshlarning boʻsh vaqtlarini mazmunli tashkil etish hamda sogʻlom turmush tarziga rioyaga etishlari uchun muhim vosita boʻlib xizmat qilishi shubhasiz. Doston Haytboyev, Xursand Tilavmurodov, Amin Xolboyev, Mahmud Joʻlliboyev, Shuhrat Joʻlliboyev singari intiluvchan yoshlarning sportning stritbol turi boʻyicha erishgan gʻalabalari sabab Toʻlqin ovulida zamonaviy tipdagi sport maydonchasi bunyod etildi.
Shu kuni Mangʻit shahridagi Navoiy mahallasi yoshlari uchun ham quvonchli voqea roʻy berdi. Yangi yil arafasida mazkur mahalla hududida ham sport maydonchasi foydalanishga topshirildi.
Maʼlumot uchun, “Besh tashabbus olimpiadasi”ning 1-mavsumida mahalla bosqichiga 18 ming 767 nafar, sektor bosqichiga 9 ming 359 nafar, tuman bosqichiga 772 nafar yoshlar qamrab olindi.
Tumanimiz yoshlaridan 41 nafari Qoraqalpogʻiston Respublikasi bosqichida gʻoliblikni qoʻlga kiritib, Oʻzbekiston Respublikasi bosqichida faol ishtirok qilishdi. Oʻzbekiston Respublika bosqichida 3 nafar yoshimiz 1-oʻrin, 3 nafar yoshimiz 2-oʻrin egalladilar.
Undan tashqari, “Yosh kitobxon oila” yoʻnalishida Doʻrman ovulida yashovchi Oʻrinbayevlar oilasi 1-oʻrin sohibi boʻlib, Prezident sovgʻasi − “Spark” avtomobilini qoʻlga kiritishdi.
Shuningdek, 24-dekabr kuni tumanning Boyovul mahallasi va Amir Temur nomli ovullarida ham shu kabi maydonchalar foydalanishga topshirildi.
Musobaqalar gʻoliblari yashovchi mahallalarga sport maydonchalarining qurib berilgani nafaqat ularga, balki mazkur hududda yashovchi barcha yoshlarga ragʻbat boʻldi.
Tuman hokimligining Axborot xizmati
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
