Oybek nomli mahallada tuman hokimining yoshlar bilan navbatdagi uchrashuvi boʻlib oʻtdi

18-yanvar kuni Amudaryo tumanining Oybek mahallasida tuman hokimining yoshlar bilan navbatdagi uchrashuvi boʻlib oʻtdi.

Uchrashuvda tuman hokimi Sultonboy Yoʻldashev, Xalq qabulxonasi boʻlimi mudiri Erkin Rajabov, hokim oʻrinbosari Mahmud Shermetov, mutasaddi tashkilot masʼullari hamda mahalladagi faol yoshlar ishtirok etishdi.

Uchrashuvda tuman hokimi Sultonboy Yoʻldashev mamlakatimizda unib-oʻsib kelayotgan yosh avlodni har tomonlama qoʻllab-quvvatlash, isteʼdodlarini yuzaga chiqarish uchun yaratilgan sharoit va imkoniyatlar xususida aytib oʻtdi. Shu bilan birga Amudaryo tumanida yakunlangan 2022-yil davomida yoshlarning bandligini taʼminlash, kasbga oʻqitish, ijtimoiy muammolarini tizimli hal qilish borasida olib borilgan ishlar sarhisob qilindi. 2023-yilga moʻljallangan rejalar xususida ham yoshlarga batafsil maʼlumotlar berildi.

Mahalladagi hokim yordamchisi Mahmud Saparbayev aholi orasida xatlov jarayonlari olib borilayotganligini, bu jarayonda har bir fuqaroning xonadonida boʻlib, ular bilan birma-bir suhbat olib borilayoganligini taʼkidladi. Ahamiyatlisi, xatlov jarayonlarida yoshlarning aksariyati tadbirkorlik qilish istagi borligini bildirib, yoʻl-yoʻriq va koʻrsatmalar soʻrayotganligini aytib oʻtdi.

Mahalladagi yoshlar yetakchisi Quvvat Esamuradov esa yoshlarning boʻsh vaqtini mazmunli tashkil etish, ular oʻrtasida sportni ommalashtirish, yoshlar orasida sogʻlom turmush tarzini targʻib qilish boʻyicha amalga oshirilgan ishlar haqida batafsil maʼlumot berdi.

Shundan soʻng, yoshlardan Surayyo Yoʻldasheva oliy taʼlim muassasasida kontrakt asosida taʼlim olayotganligini bildirib, kontrakt toʻlovining 50 foizi qoplab berilishida tuman hokimidan amaliy yordam soʻradi.

Shuningdek, yoshlardan Baxadir Sobirov oilaviy sharoiti haqida maʼlum qilib, muddatli harbiy xizmatni oʻtash uchun shartnoma badalini qoplab berishda amaliy yordam soʻrab murojaat qildi.

Bahoroy Saʼdullayeva esa oliy taʼlim muassasasiga toʻlov-kontrakt asosida oʻqishga qabul qilinganligini, ammo oilaviy sharoiti sabab toʻlovni oʻz vaqtida amalga oshirishga qiynalayoganligini bildirib tuman hokimiga yordam soʻrab murojaat qildi.

Murojaatlar yuzasidan tuman hokimi Sultonboy Yoʻldashev tegishli mutasaddilarga topshiriqlar berib, ijrosini oʻz nazoratiga oldi.

 Aytish kerakki, tuman hokimining yoshlar bilan boʻlib oʻtgan uchrashuvlarida yoshlar tomonidan kelib tushayotgan murojaatlar imkon qadar ijobiy hal qilinmoqda.

Tuman hokimining yoshlar bilan bilan boʻlib oʻtgan uchrashuvlarining birida yoshlardan Shokir Hayitbayev va Asaloy Matqurbanovalar tuman hokimiga oʻz muammolarini aytib, murojaat qilishgan edi. Oybek mahallasida boʻlib oʻtgan mazkur uchrashuvda Shokir Hayitbayev haydovchilik guvohnomasini olishda amaliy yordam berliganini, Asaloy Matqurbanova esa oʻqishining kontrakt toʻlovi qoplab berilganligini va murojaati ijobiy hal boʻlganligini aytib, tuman hokimiga minnatdorlik bildirishdi.

Uchrashuvda mahallaning faol yoshlaridan Tursunboy Rahimov soʻzga chiqib, tumanda sport sohasini rivojlantirish, sportchi yoshlarni qoʻllab-quvvatlash borasida salmoqli ishlar amalga oshirilayotganligini va buning natijasida tuman yoshlari katta gʻalabalarga erishayotganligini aytib oʻtdi. Jumladan, Tursunboy Rahimovning oʻzi ham “Besh tashabbus olimpiadasi”ning Qoraqalpogʻiston Respublikasi bosqichida faxrli 1-oʻrinni egallaganligini, bunga sabab esa yoshlar uchun yaratilgan sharoit va imkoniyatlar ekanligini taʼkidlab, tuman hokimiga minnatdorchilik bildirdi.

Tuman hokimligining Axborot xizmati