“BRIGHTON SCHOOL” ÖQUV MARKAZI YoŞLARNING SEVIMLI MASKANIGA AYLANMOQDA
Bugungi kunda xorijiy tillarni örganiş va bilişning ahamiyati tobora ortib bormoqda. Şu bois yurtimizda xorijiy tillarni örgatişni taʼlim siyosatining ustuvor yönalişi sifatida rivojlantiriş, uşbu yönalişda taʼlim sifatini tubdan oşiriş, sohaga malakali pedagoglarni jalb etiş hamda aholining xorijiy tillarni örganişga bölgan qiziqişini oşiriş borasida tizimli çora-tadbirlar amalga oşirilmoqda.
Olmazor mahallasida joylaşgan, yangi taşkil etilgan “BRIGHTON SCHOOL” öquv markazi ingliz va rus tillarini örgatişga ixtisoslaşgan. Yoşlarning xorijiy tillarni örganişlari uçun imkoniyat yaratiş maqsadida “BRIGHTON SCHOOL” MÇJga qaraşli öquv markazini taşkil qilgan Nurbek Jumaniyozov uşbu markaz binosi qurilişi va jihozlanişiga 200 mln. söm bank krediti va tadbirkorning 1 mlrd. sömga yaqin öz mablaği sarflangan.
Yoş öqituvçi Nurbek Jumaniyozov izlanuvçan, intiluvçan, şuningdek, öz kasbining fidoyisi. U oliy toifaga ega va SEFR böyiça B2, C1 darajadagi sertifikatlar sohibi. Öz faoliyati mobaynida öquvçilarning xorijiy tillarni örganişlariga salmoqli hissa qöşib, köplab şogirdlar yetiştirdi. Bugungi kunda undan taʼlim olgan yoşlar turli nufuzli oliy öquv yurtlari talabalari bölişdi.
Nurbek Jumaniyozovning taşabbusi bilan taşkil etilgan, ikki qavatli qilib qurilgan markaz binosida qabul qiliş xonasi, öquv maşğulotlari uçun 6 ta sinfxona, 1 ta maʼruzalar xonasi, öqituvçilar, menejerlar, dam oliş va kutiş xonalari mavjud. Kutubxona va oşxonalarga ham xonalar ajratilgan. Markazda şuğullanuvçilar uçun barça qulayliklar yaratilgan. Zamonaviy jihozlar, kompyuter, proyektor, interaktiv doska, audio texnikalar bilan taʼminlangan. Mazkur öquv markazi 1,5 mingdan ortiq abituriyentga ingliz va rus tillarini öqitişga möljallangan.
Yaqinda iş boşlagan mazkur til öqitiş markazi har kuni uç navbatda faoliyat olib bormoqda. Unda 10 dan ortiq malakali til mutaxassislari hamda fan öqituvçilari abituriyentlarga saboq berişadi. Markazda 1-sinfdan 11-sinfgaça bölgan öquvçi-yoşlarga til örgatiladi. Ularni IELTS va SEFR xalqaro hamda milliy sertifikatlarga öqitiş kurslari ham yölga qöyilgan. Şuningdek, abituriyentlarni oliy öquv yurtlariga tayyorlaş kurslari ham yölga qöyilgan. 1-sinfdan 7-sinfgaça bölgan öquvçilar uçun esa BRIGHTON KIDS öquv maşğulotlari taşkil etilgan. Undan taşqari, markazda matematika fani va mental arifmetikadan ham öquv saboqlari yölga qöyilgan.
Zamonaviy körinişda barpo etilgan uşbu maskan barça şaroitlarga ega bölişi bilan birga qişda issiq, yozda salqin bölişi taʼminlangan. Markazda asosan zamonaviy pedagogik, innovatsion usullarda maşğulotlar taşkil etilib, yoşlarda ingliz tilida gapiriş könikmasi şakllantirilmoqda. Qisqa fursat mobaynida yoşlarning sevimli maskaniga aylangan uşbu muassasada malakali ustozlar tomonidan ingliz va rus tillarida öz ona tilidek sözlaşişlariga, grammatikasini özlaştirişlariga yordam berilmoqda.
Xorijiy tillarni örganiş muhim ahamiyat kasb etayotgan ayni davrda “BRIGHTON SCHOOL” öquv markazi keng kölamda özining ijobiy natijalarini körsatadi va tumanimiz yoşlarining çet tillarini örganişlariga, nufuzli taʼlim dargohlari talabalari bölişlariga katta imkoniyat yaratadi.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
