TADBIRKOR BOʻLIShNI ISTASANGIZ...
Mamlakatimizda kichik biznes va xususiy tadbirkorlikni rivojlantirishga ulkan eʼtibor qaratilmoqda. Xususan bu borada tadbirkorlik faoliyati sohasiga ruxsat berish qoidalarining soddalashtirilganligi, ortiqcha byurokratik toʻsiqlarning bartaraf etilganligi, tadbirkorlik subʼektlarining huquqiy himoyasi taʼminlanayotganligi bois iqtisodiyotimizda kichik biznes va xususiy tadbirkorlarning roli, ulushi kengaymoqda. Bu harakatning yanada samarali boʻlishi uchun Oʻzbekiston Respublikasi Bosh prokuraturasi huzuridagi soliq, valyutaga oid jinoyatlarga va jinoiy daromadlarni legallashtirishga qarshi kurashish Departamentining Qoraqalpogʻiston Respublikasi Amudaryo tuman boʻlimi tomonidan aholi orasida keng targʻibot-tashviqot ishlari olib borilmoqda.
Yaqinda "Olmazor” mahallasida joylashgan Mangʻit iqtisodiyot kasb-hunar kolleji majlislar xonasida SVOJJDLQK departamenti mahkamasi boʻlim boshligʻi I.Latipov, departamentning Qoraqalpogʻiston Respublikasi boshqarmasi boʻlim boshligʻi M.Oʻtepbergenovlar ishtirokida mahallada istiqomat qiluvchi tadbirkorlar, kollejning tadbirkorlik faoliyati bilan shugʻullanish istagida boʻlgan bitiruvchilari bilan tashkil etilgan uchrashuv ham shu maqsadga qaratildi.
Uchrashuvda tadbirkorlar huquqini himoya qilish borasida qabul qilinayotgan hukumatimiz qarorlarining ahamiyati, tadbirkorlarga yaratilayotgan shart-sharoitlar, ularning faoliyatiga toʻsqinlik qilishning oldini olishga qaratilgan qonuniy hujjatlar, soliq qonunchiligidagi oʻzgarishlar haqida maʼruzalar qilindi. Kollejning tadbirkorlik faoliyati bilan shugʻullanish istagida boʻlgan bitiruvchilariga oʻz biznesini qanday tashkil etish mumkinligi keng tushuntirildi.
Maʼruzalardan soʻng uchrashuv ishtirokchilari oʻzlarini qiziqtirgan savollariga javoblar oldilar. Xullas, tadbirkor boʻlishni istagan kishi avvalo, bu boradagi qonunchilikni chuqur oʻrganib, oʻz ishini ongli ravishda tashkil etishi lozimligini chuqur angladilar.
B.KOChKAROV,
SVOJJDLQK departamentining Qoraqalpogʻiston Respublikasi Amudaryo tuman boʻlimi boshligʻi, adliya kichik maslahatchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
