36-SONLI MAKTABDA QOʻGʻIRChOQ TEATRI TOMOShALARI NAMOYISh ETILDI
Qoʻgʻirchoq teatri tomoshalari bolalar qalbida yaxshilik, doʻstlik, jasurlik, qiyin paytlarda oʻzgalarga yordam berish kabi ijobiy fazilatlar muhrlanishiga jonli taʼsir koʻrsata oladi. Ota-onalarning oʻgitlari, nasihatlari qanchalar toʻgʻri ekanligiga ularda katta ishonch uygʻotadi.
Maktabgacha va maktab yoshidagi bolalarning axloqiy-estetik tarbiyalashda qoʻgʻirchoq teatrining ahamiyati katta boʻlganligi sababli 36-sonli maktabning 4-“A” sinfi oʻquvchilari ishtirokida teatr klubi tashkil etilib, ertak sahnalashtirildi.
15-may kuni maktab zalida teatr klubi aʼzolari tomonidan namoyish etilgan “Sholgʻom ertagi”, “Baliqchi va baliq haqida ertak” tomoshalariga maktab oʻqituvchi va oʻquvchilari taklif etildi. Ertak qahramonlarini rolini oʻquvchilar Asilbek Rahimov, Asilbek Bobojonov, Asila Ashurboboyeva, Mohlaroyim Nuraddinova, Shahzod Sobirboyev, Shahzoda Sobirboyeva, Madina Azadboyeva, Dilnura Atamuradova, Parizod Baxtiyorova, Asilbek Faxriyev, Maftuna Xidirboyeva, Lobaroy Jumaboyevalar mahorat bilan ijro etdilar.
Undan tashqari, Shahzod Sobirboyev masal, ona haqida sheʼr aytib berdi. Oʻquvchi-qizlar raqsga tushishdi. Sinfning sportchilari, faxrli oʻrinlar sohiblaridan dzyudo boʻyicha Azamat Nurjanov, boks boʻyicha Asilbek Faxriyev, tennischi Kamoladdin Soliyboyev, kurashchi Shahzod Baxtiyorovlar ham sheʼr va qoʻshiqlar, raqslar ijro etishdi.
Tomoshalar maktab oʻquvchilarida katta taassurotlar qoldirdi.
Barno Matsapoyeva, shu maktabning boshlangʻich sinf oʻqituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
