Zararkunandalardan himoya – muhim masala

Qishloq xoʻjaligi ekinlarini zararkunanda va kasalliklardan himoya qilish maqsadida tumanimizda 15 ta biolaboratoriya faoliyat koʻrsatib kelmoqda. Joriy 2013-yil hosilini himoya qilish maqsadida biolaboratoriyalar tomonidan jami 129 kilogrammtrixogramma, 59 million dona oltinkoʻz va 59 million dona brakon kabi zararkunandalarga qarshi kurash vositalari ishlab chiqarish rejalashtirilgan.

Bu biomaxsulotlarni kupaytirish uchun biolaboratoriyalar 75 tonna arpa, 2,4 tonna shakar, 1,1 tonna margarin va 1,1 tonna merva maxsulotlari bilan taʼminlangan. Tumanimizda faoliyat koʻrsatayotgan 262 ta fermer xoʻjaliklari bilan umumiy qiymati 392 million soʻmlik bioxizmat koʻrsatish shartnomalari imzolangan boʻlib, biolaboratoriyalar xodimlari shartnoma shartlarini bajarish boʻyicha ishlarni boshlab yubordilar.