SOGʻLOM YaShAB, OSOYIShTA TURMUSh KEChIRIShNING ODDIY TARTIB-QOIDALARI

Muhtaram Prezidentimiz Shavkat Mirziyoyevning “ Mahallabay “ ishlash tizimini amaliyotga joriy etish toʻgʻrisidagi tashabbusi hududlardagi  muammo va yechimini kutayotgan masalalarning iloji boricha tezroq bartaraf boʻlishiga mustahkam va ishonchli zamin boʻlmoqda.

“Mahallabay” ishlash tizimi murakkab jarayon boʻlishiga qaramasdan, unda har bir insonning dardini tinglash, jamiyat taraqqiyotini iqtisodiy oʻsishlar bilangini emas, balki aholining oʻz hayotidan mamnunligi bilan oʻlchash kabi mezonlar mavjud.

Bu borada Amudaryo tumani sanitariya-epidemiologik osoyishtalik va jamoat salomatligi boʻlimi mutaxassislari tomonidan “mahallabay” va “xonadonbay” kesimida aholiga yuqumli va yuqumli boʻlmagan, oʻta-havfli yuqumli kasalliklar, parazitar kasalliklarning oldini olish toʻgʻrisidagi joylarda tushuntirish, targʻibot-tashviqot ishlari olib borilayotgani muhim ahamiyat kasb etmoqda. Xususan, “Mahallabay” ishlash orqali aholi orasida uchrashuvlar tashkil etilib,muammo va masalalar oʻrganilmoqda.

Bugungi kunda hayotimizning yanada koʻrkam va farovon boʻlmogʻi uchun har bir xonadonda sanitariya  madaniyatini talab darajasida shakllantirishimiz kerak. Shundagina xonadonlarimizda sogʻlom turmush tarzi mustahkam qaror topib,oʻzimiz ham turli kasalliklardan himoyalanamiz.

Buning uchun quyidagi oddiy qoidalarga amal qilinsa kifoya boʻladi:

- sogʻlom yashab,osoyishta turmush kechirishning oʻziga xos tartib-qoidalari bor. Buni har biringiz yaxshi bilasiz. Shunday ekan,bahamjihat ish tutib,yashayotgan mahallamiz,hovlimizni toza, goʻzal va tartibli maskanga aylantiraylik;

- hovlidagi mavjud vodaprovod suvidan tejab foydalanish kerak.Ichimlik suvi tashib keltiriladigan xonadonlarda esa ichimlik suvini qopqoqli maxsus idishlarda saqlang, yangi suvni solishdan oldin ushbu idishni toza suv bilan yuvib tashlang;

- hovlini oʻzingiz yashashingiz uchun qulay va mos qilib jihozlang. Yashash xonalari, oshxona, tandirxona, molxona, tovuqxona va hojatxonalarni qoʻrishda hamda taʼmirlashda quruvchi-mutaxasislar bilan bamaslahat ish tuting;

- yuvinish joylari hovlining bir chekkasida boʻlgani maʼqul. Unga borish yoʻllari beton yoki gʻisht bilan qoplangan boʻlishi, oila aʼzolari alohida sovun, tish yuvish choʻtkasi va sochiqlardan foydalanishlari lozim;

- farzandlaringizni  ozoda va sogʻlom turmush tarziga amal qilib yashashga oʻrgating;

- tozalik va orastalikka amal qilish orqali yuqumli kasalliklarning oldini olish mumkinligini ularga qayta-qayta tushuntiring;

- uy hayvonlari shuningdek it, mol va mushuklarni vaqti-vaqti bilan veterinariya koʻrigidan oʻtkazib, ularni veterinariya xizmati tomonidan yuqumli kasalliklarga qarshi emlating;

- yirik va mayda shoxli mollaringizda kanalar aniqlangan holatlarda ularni qoʻlda terib, ezib oʻldirmang. Sizga  oʻta havfli yuqumli kasallik  yuqishi mumkin. Bunday holatlarda darhol veterinariya vrachini chaqirib, molingizni dezinsektsiya qildiring;

- uyda boqilayotgan yirik va mayda shoxli  mollaringizni oʻz vaqtida yuqumli kasalliklarga qarshi emlatib turing;

Yoz faslida meva-chevalarni yuvib isteʼmol qilish oshqozon-ichak kasalliklaridan saqlaydi.

Yuqorida keltirib oʻtilgan tavsiyalarga amal qilish orqali  Siz oilangizda sogʻlom muhit yaratasiz va xonadoningiz aʼzolarini yuqumli kasalliklardan himoyalagan boʻlasaz.

Durbek Babajanov, Amudaryo tuman SEO va JSB
epidemiolog-shifokori.