Davlat xavfsizlik xizmati Raisi kubogi musobaqasining tuman bosqichi gʻoliblari tantanali ravishda taqdirlandi
14-iyun kuni Davlat xavfsizlik xizmati Raisi kubogi uchun oʻtkazilgan futbol va mini futbol boʻyicha musobaqalarning Amudaryo tumani bosqichi gʻolib va sovrindorlarini tantanali taqdirlash marosimi boʻlib oʻtdi. Unda tuman hokimi Sultonboy Yoʻldashev, sektorlar rahbarlari, Davlat xavfsizlik xizmati Amudaryo tuman boʻlinmasi boshligʻi Sanjar Nazarov, tuman hokimi oʻrinbosarlari, gʻolib va sovrindor jamoalar, yoshlar yetakchilari, faol yoshlar ishtirok etishdi.
Tantanali taqdirlash marosimida tuman hokimi Sultonboy Yoʻldashev mamlakatimizda sport sohasiga qaratilayotgan eʼtibor, ayniqsa yoshlar orasida sportni va sogʻlom turmush tarzini tobora ommalashtirish borasida olib borilayotgan ishlar xususida aytib oʻtdi. Shuningdek, tuman hokimi oʻz soʻzida ushbu bosqichga yetib kelib, unda muvaffaqiyatli qatnashgan va gʻoliblikni qoʻlga kiritgan jamoalarni qizqin tabriklab, keyingi – hududiy va Respublika bosqichlarida ham omad tiladi.
Aytish kerakki, yoshlarning boʻsh vaqtlarini mazmunli tashkil etish, ular oʻrtasida ommaviy sportni rivojlantirish hamda sogʻlom turmush tarzini keng targʻib qilish maqsadida Respublikamizning barcha hududlarida Davlat xavfsizlik xizmati kubogi musobaqalari oʻtkazilmoqda.
Amudaryo tumanida ham joriy yilning 12-aprel kuni mazkur musobaqaga start berilgan edi. Shu kundan boshlab mahalla yoshlaridan iborat jamoalar sprotning futbol va mini futbol turlari boʻyicha oʻzaro bellashdilar. Ahamiyatlisi, shiddatli va murosasiz kechgan ushbu musobaqalar qizlar oʻrtasida ham oʻtkazilib, ular ham musobaqalarda munosib ishtirok etishdi.
Futbol boʻyicha saralash, sektor bosqichlaridan muvafaqqiyatli oʻtib, tuman bosqichiga yetib kelgan jamoalar oʻrtasidagi bellashuv 27-may kuni Doʻstlik mahallasi hududidagi Bolalar va oʻsmirlar sport maktabiga qarashli maydonda boʻlib oʻtgan edi.
Yakuniy natijalarga koʻra, futbol boʻyicha Davlat xavfsizlik xizmati kubogi musobaqasining tuman bosqichida mutloq gʻoliblikni Toʻlqin ovuli yoshlari egallashgan boʻlsa, ikkinchi oʻringa kuyuk-koʻpirlik yoshlar jamoasi munosib deb topildi. Uchinchi oʻrinni esa Xolimbeg ovuli yoshlari egallashdi.
Mini futbol boʻyicha esa, Boʻston mahallasi yoshlari faxrli birinchi oʻrinni, Xizir eli mahallasi yoshlari ikkinchi oʻrinni, Daryoboʻyi mahallasi yoshlari esa uchinchi oʻrinni egalladilar.
Qizlar oʻrtasida kechgan shiddatli musobaqalarda xolimbeglik qizlar birinchi oʻrinni, Qilichboy ovuli qizlari ikkinchi va Oq oltin ovuli qizlaridan iborat jamoa uchinchi oʻrinni egalladi. Futbol musobaqasida mutloq gʻoliblikni qoʻlga kiritgan jamoalar hududiy bosqichda qatnashish uchun yoʻllanmani qoʻlga kiritishdi.
Taqdirlash marosimida gʻolib jamoalarga Davlat Xavfsizlik xizmati Raisi kubogi tantanali tarzda topshirildi. Shuningdek, tuman bosqichi gʻoliblarining har biriga qimmatbaho sovgʻalar, medal hamda tashakkurnomalar topshirildi.
Tadbirda soʻzga chiqqanlar jamaolarning huduiy va respublika bosqichlarida ham faxrli birinchi oʻrinni olishlariga tilakdoshlik bildirib, omad tilashdi. Taqdirlash marosimida tumanimizning taniqli estrada yulduzlari tomonidan kontsert dasturi namoyish etilib, yoshlarga xush kayfiyat ulashildi.
Yoshlar ona Vatan, doʻstlik, sevgi va muhabbat tarannum etilgan goʻzal qoʻshiqlarga raqsga tushdilar. Tantanali taqdirlash marosimi barcha yoshlar dilida oʻchmas tassurotlar qoldirdi.
Tuman hokimligining Axborot xizmati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
